Культура

Октябрӗн 12-мӗшӗнче Комсомольски округӗнчи кашни шкултан пӗрер маттур ача Шупашкарта иртнӗ «Формула счастливого детства» фестивале хутшӑнчӗ. Ӑна Раҫҫейри ачасен тата ҫамрӑксен «Малтисен юхӑмӗ» (Движение первых) пӗрлешӗвӗ йӗркеленӗ. Фестиваль пур ачана та питӗ килӗшрӗ. Ман шутпа, ҫакӑн пек мероприятисем республикӑра тата та ирттермелле. Ҫак кун маншӑн питӗ савӑнӑҫлӑ пулчӗ. Эпир ытти шкул, ытти округ хастарӗсемпе паллашрӑмӑр, туслашрӑмӑр, ҫӗннине вӗрентӗмӗр. Пӗрисем ӑнӑҫлӑ ӗҫ йӗркелеме хӑнӑхрӗҫ, теприсем вара ертӳҫӗ пулма майсем шырарӗҫ. Эпӗ хам сцена ҫинче, халӑх умӗнче хӑрамасӑр мӗнле калаҫмаллине ӑнлантӑм. Ҫав мероприятирех хитре юрлас ӑсталӑха епле аталантармаллине те вӗрентӗм. Шкулта ӗҫ-пуҫ епле йӗркелемеллине те ӑнлантарчӗҫ пире. Планланӑ ӗҫ е уяв, проект пурне те усӑллӑ, ырӑ тӗлле

Ҫӗнӗ Кипеҫ тата Тӗвенеш ялӗсенче пурӑнакан ватӑсем культура ҫуртӗнче вӗсен ячӗпе йӗркеленӗ мероприятирен тулли кӑмӑлпа таврӑнчӗҫ. Пуҫтарӑннисене малтанах Хирти Сӗнтӗр территори уйрӑмӗн начальникӗ В.А.Салмина, хамӑр патран суйланнӑ депутат, округри депутатсен Пухӑвӗн председателӗ С.Н.Грачева саламларӗҫ, ҫирӗп сывлӑх,  пурнӑҫра ӑнӑҫусем сунчӗҫ. Культура ӗҫченӗсем, «Шанчӑк» ушкӑна ҫӳрекенсем сцена ҫине тухса савӑк юрӑ-кӗвӗ  парнелерӗҫ. Ялта юрра-ташша ӑста ветерансем сахал мар. Вӗсем те халӑх умне тухрӗҫ. Пуҫтарӑннисем уйрӑмах Л.И.Ипатьева шӑрантарнӑ «Ан кулян эс ватлӑх пӑхнӑшӑн куҫран» юрра хапӑлласа йышӑнчӗҫ. П.Н.Ивановпа Н.И.Васильев юрланӑ юрӑ та кӑмӑлӗсене кайрӗ. Тӗлпулу малалла сӗтел хушшинче тӑсӑлчӗ. Пӗрле техӗмлӗ чей ӗҫнӗ май  ватӑсем иртнине аса илчӗҫ, хальхи

Иртнӗ эрнекун, сентябрӗн 15-мӗшӗнче, округри культура ҫурчӗсенче  пултарулӑх сезонне уҫнине уявланӑ. Кашни ҫӗрте программӑна куракансемшӗн интереслӗ, пуян тума тӑрӑшнӑ.  Акӑ, Комсомольскинчи культура ҫуртӗнче уяв программине «И снова здравствуйте» ятпа йӗркеленӗ. Фойере ача-пӑча искусство шкулӗн ӳнер уйрӑмӗнче вӗренекенсен «Чудеса на ткани» ӗҫӗсен куравне йӗркеленӗ. Куракансене муниципаллӑ округ пуҫлӑхӗн социаллӑ ыйтусемпе ӗҫлекен ҫумӗн тивӗҫӗсене пурнӑҫлакан Наталия Комиссарова саламланӑ. Вӑл «Кубняночка» халӑх вокал,  «Каҫал» халӑх фольклор ансамблӗсен,  В.Х.Зайцева ячӗллӗ халӑх театрӗн, халӑх эстрада-музыка студийӗн коллективӗсене  тата «Островок» хореографи ушкӑнне пысӑк профессионализмшӑн тата ҫитӗнӳсем тунӑшӑн округ администраци пуҫлӑхӗн Тав хучӗсемпе чысланӑ. Уяв ко

Чи тирпейлӗ те таса, илемлӗ хушма хуҫалӑха тупса палӑртас тесе округра июлӗн 15-мӗшӗнчен пуҫласа августӑн 31-мӗшӗччен «Чи лайӑх хушма хуҫалӑх» конкурс ирттернӗ. Ҫак кунсенче унӑн пӗтӗмлетӗвӗсене тунӑ, ҫӗнтерӳҫӗсене палӑртнӑ. Комисси членӗсем Комсомольскинчи Зарубинсен хушма хуҫалӑхӗ чи лайӑххи пулнине пӗлтернӗ. Хирти Сӗнтӗрти Беловсен хуҫалӑхӗ — иккӗмӗш вырӑнта. Мала тухнисене Дипломсемпе наградӑланӑ, укҫан хавхалантарнӑ. Малашне те ҫавӑн пек конкурссем  пуласса, пултаруллисене палӑртасса шанса тӑратпӑр.