Публикации

Пӗрлехи информаци кунӗ пулать

Пӗрлехи информаци кунӗ пулать

Мартӑн 20-мӗшӗнче республикӑра, вӑл шутра пирӗн районта та черетлӗ Пӗрлехи информаци кунӗ иртет. Халӑхпа тӗл пулнӑ чухне ҫак ыйтусене сӳтсе явма палӑртнӑ: 1. Раҫҫей Федерацийӗн Президенчӗ Федераци Пухӑвне янӑ Ҫыру. 2. 2024 ҫулхи мартӑн 15—17-мӗшӗсенче иртнӗ Раҫҫей Президенчӗн суйлавӗн пӗтӗмлетӗвӗ. 3. Чӑваш Республикин Министрсен Кабинечӗн 2023 ҫулхи ӗҫӗ-хӗлӗн отчечӗ. Ҫавӑн пекех ҫынсене та харпӑр хӑй ыйтӑвӗсемпе йышӑнаҫҫӗ.
Халӑх суйлава хастар хутшӑннӑ

Халӑх суйлава хастар хутшӑннӑ

Мартӑн 15—17-мӗшӗсенче ҫӗршывра  Раҫҫей Президенчӗн суйлавӗ иртрӗ.  Вӑл виҫӗ куна тӑсӑлчӗ. Ҫӗршывӗпе пӗтӗмпе 94 пин, Чӑваш Енре 1033 суйлав участокӗ алӑкӗсене уҫнӑ. Кӑҫал халӑх, яланхи пек суйлав участокӗсене ҫитсе бюллетень илсе сассисене панипе пӗрлех, маларах заявленисем парса килтен тухмасӑрах электронлӑ майпа та сасӑлама пултарчӗ. Ҫак йӗркепе Раҫҫейри 29  регионта, ҫав шутра Чӑваш Республикинче пурӑнакансем те, усӑ курчӗҫ. Пирӗн округра пурӑнакансем те Раҫҫей Президенчӗн суйлавне хастар хутшӑннӑ. Списока кӗртнӗ ҫынсен 97,84  проценчӗ суйлав участокӗсене ҫитсе хӑйсен сассисене  панӑ. Пӗтӗмпе  округра 36 суйлав участокӗ ӗҫленӗ. Пӗрремӗш кунах округра пурӑнакансен 39 проценчӗ суйлава хутшӑннӑ. Суйлав участокӗсене мӑшӑрӗсемпе те, пӗтӗм ҫемйипе килекенсем те пулнӑ. Ас
Медальпе чысланӑ

Медальпе чысланӑ

Округ пуҫлӑхӗ Николай Раськин иртнӗ вырсарникун Йӑла пулӑшӑвӗн тата комуналлӑ хуҫалӑх ӗҫченӗсене професси уявӗпе саламланӑ. Маларах пултаруллӑ ӗҫченсене, «Мой дом» ОООра вӑй хуракан, округ аталанӑвӗшӗн нумай тӑрӑшнӑ Вениамин Еремеевпа Александр Такина  Комсомольски районне туса хунӑранпа 85 ҫул ҫитнӗ ятпа юбилей медалӗпе наградӑланӑ. Малашне те вӗсене йывӑр та пархатарлӑ ӗҫре ӑнӑҫу суннӑ.
Ӗҫ тухӑҫлӑ пултӑр, продукци конкуренцие чӑттӑр

Ӗҫ тухӑҫлӑ пултӑр, продукци конкуренцие чӑттӑр

Раҫҫейре «Ӗҫ тухӑҫлӑхӗ» («Производительность труда») наци проекчӗ 2019 ҫултанпа ӗҫлет. Чӑваш Республики унта проекта пуҫарса ярсанах ҫӗршыври  малтанхи регионсенчен пӗри пулса хутшӑнма тытӑннӑ. Чӑваш Енре «Ӗҫ тухӑҫлӑхне  ӳстерес енӗпе ситемӑллӑ мерӑсем» тата «Предприятисенче ӗҫ тухӑҫлӑхне ӳстерме адреслӑ пулӑшу парасси» проектсем вӑя кӗрсе пыраҫҫӗ. «Ӗҫ тухӑҫлӑхӗ» наци проекчӗн тӗллевӗсенчен пӗри ҫӗршывра чӗртавар кӑларассипе ҫыхӑнман вӑтам тата пысӑк предприятисен  производствине 5 процент таран ӳстересси пулса тӑрать. Ҫӗнӗ технологисене алла илсе ӗҫ вырӑнӗсене модернизацилесси, ӗҫлекенсен пӗлӗвӗпе квалификацине ӳстерсе пыма майсем туса парасси. Ку проекта Раҫҫейри регионсенчи  тирпейлекен, ял хуҫалӑх, транспорт, строительство, суту-илӳ отраслӗсенчи 6 пине яхӑн предприяти  хутшӑнать.
Юрӑ-кӗвӗ ҫынсен кӑмӑлне ҫӗклерӗ

Юрӑ-кӗвӗ ҫынсен кӑмӑлне ҫӗклерӗ

Комсомольски районне туса хунӑранпа 85 ҫул ҫитнине халалланӑ «Тӑван ҫӗре эпир мухтатпӑр» смотр-конкурс малалла пырать. Мартӑн 13-мӗшӗнче Асанкасси территори уйрӑмӗ сӑмах илчӗ. Вырӑнти культура ӗҫченӗсем, юрра-ташша ӑста ял ҫыннисем ҫак куна чылай малтан хатӗрленме пуҫланӑ. Сакӑр теҫетке ҫул ытла ҫул хушшинче район, ҫавӑн пекех Асанкасси ялӗ те чылай енчен улшӑннӑ. Йывӑҫран тунӑ ҫуртсем вырӑнне кирпӗчрен купаланисем йышӑннӑ, ҫынсен йӑла условийӗсем те чылай лайӑхланнӑ. Куллен усӑ куракан ӗҫ хатӗрӗсемпе кил-ҫуртри япаласем те улшӑннӑ. Ҫавӑнпах та пулӗ авалхи япаласен выставки умӗнче чылайӑшӗ нумайччен чарӑнса тӑчӗ.  Ӗлӗкхи сӑнӳкерчӗксенчен йӗркеленӗ  стенд иртнӗ кунсем ҫинчен аса илтерчӗ. Кӑҫал Раҫҫейре Ҫемье, Чӑваш Республикинче экологи тата ҫутҫанталӑкпа перекетлӗ усӑ курассин ҫулталӑк
Фестиваль делегачӗпе тӗл пулнӑ

Фестиваль делегачӗпе тӗл пулнӑ

Мартӑн 16-мӗшӗнче Комсомольскинчи Этнобиблиотекӑри ҫул ҫитмен ачасен (ТОП) хутшӑнӑвӗн территорийӗнче Малтисен юхӑмӗн хастарӗсем туслӑ тӗлпулӑва хутшӑннӑ. Ачасем Сочире иртнӗ Пӗтӗм тӗнчери ҫамрӑксен фестивальне хутшӑннӑ Анастасия Галзановӑпа тӗл пулнӑ. Анастасия Комсомольски 2-мӗш  вӑтам шкулӗнчен вӗренсе тухнӑ,  халь вӑл И.Н.Ульянов ячӗллӗ ЧПУ студенчӗ. Настя хӑй малтан конкурса хутшӑнни, унӑн пӗтӗмлетӗвӗсемпе фестивале кайма тивӗҫни ҫинчен каласа панӑ. Фестивалӗн асра юлнӑ ҫутӑ саманчӗсем, ҫак форумра ҫӗнӗ туссем тупни пирки те тӗплӗн чарӑнса тӑнӑ.  «Ир-ирех зарядкӑна, йогӑна кайма, пӗр-пӗр творчествӑлла ӗҫ тума, сцена ӑсталӑхӗнче, вокалта хамӑра тӗрӗслеме май пулчӗ, каҫхине те тӗрлӗ мероприяти ирттерчӗҫ. Фестивалӗн «Душа России» лапамӗнче кашни каҫ наци тумӗллӗ пин-пин ҫ
Ҫие юлнисемшӗн алӑ ӗҫӗ туни усӑллӑ

Ҫие юлнисемшӗн алӑ ӗҫӗ туни усӑллӑ

Ҫие юлнӑ хӗрарӑм яланах хавхаланупа пурӑнать. Пӗчӗккипе тӗл пулассине кӗтсе вӑл мӗн туянмаллине, хатӗрлемеллине, тумаллине шутлать. Уйрӑмах ҫак ӑнтӑлу иккӗмӗш триместртан аталанма пуҫлать, ку вӑхӑт тӗлне токсикоз иртсе кайнӑ, ультрасасӑ диагностики туса тӗпренчӗкне курнӑ, тен, хӗр е ывӑл пулассине те пӗлнӗ. Чӗпӗ тухнӑ вӑхӑта кайӑк йӑва ҫавӑрнӑ пек, пулас амӑшӗ те тӗпренчӗкӗ ҫут тӗнчене килнӗ тӗле йӑлтах хатӗрлеме тӑрӑшать. Декретра пушӑ вӑхӑт та ытларах, ҫавӑнпа хӗрарӑмӑн хӑйӗн аллипе мӗн те пулин тӑвас туртӑм ҫуралать. Алӑ ӗҫӗ тунин усси самаях пысӑк. Вӑл сывлӑхпа кӑмӑл-туйӑм ҫине лайӑх витӗм кӳрет, пуҫ мимин ӗҫне лайӑхлатать, астӑвӑма, алӑ моторикине аталантарать, пӗр евӗрлӗ хусканусем кӑмӑл пӑтраннине ирттереҫҫӗ.  Хальхи вӑхӑтра япаласем хаклине шута илсен, ача валли кофта,
Пресс-конференци ирттернӗ

Пресс-конференци ирттернӗ

Чӑваш Республикин Пуҫлӑхӗ Олег Николаев мартӑн 12-мӗшӗнче журналистсемпе пресс-конференци ирттернӗ.  Унта массӑллӑ информаци хатӗрӗсенче тӑрӑшакан 80 ытла ӗҫчен хутшӑннӑ. Олег Алексеевич 2 сехет те 20 минут пынӑ тӗлпулура 46 ыйту ҫине хуравланӑ. Журналистсем ыйтусене хатӗрленӗ май халӑх шухӑш-кӑмӑлне те республика Пуҫлӑхӗ патне ҫитерме тӑрӑшнӑ. Ыйтусем ытларах ҫул-йӗрпе, пурӑнмалли ҫурт-йӗр тата социаллӑ обьектсем тӑвассипе, вӗрентӳ отраслӗпе, ҫемье тата унӑн хаклӑхӗпе ҫыхӑннӑ. Ҫавӑн пекех пичет ӗҫченӗсене ялсенче кадрсем ҫитменни, спорт аталанӑвӗ, Раҫҫей Президенчӗ В.Путин Чӑваш Ене килсе кайни  тата ытти ыйтусем те интереслентернӗ. Олег Алексеевич пур ыйту ҫине те тулли хурав пама тӑрӑшнӑ, блокнот ҫине те ҫырса хунӑ. Ку Олег Николаевшӑн Чӑваш Республикин Пуҫлӑхӗн должноҫӗнч
Шыв-шур ыйтӑвӗпе – канашлу

Шыв-шур ыйтӑвӗпе – канашлу

Кӑҫал хӗлле юр нумай ҫурӗ. Ҫанталӑк ӑшӑтсах яман пулин те ҫурхи шыв-шура йӗркеллӗ ирттерсе яма малтанах хатӗрленмелле. Ҫак ыйтупа округ администрацийӗн ларусем ирттермелли залӗнче канашлу пулса иртнӗ. Ларӑва округ пуҫлӑхӗ Н.Н.Раськин уҫнӑ, вӑлах ертсе пынӑ. Ун ӗҫне округ прокурорӗ Д.Ю.Бородов, РФ Шалти ӗҫсен министерствин «Комсомольский» муниципалитетсем хушшинчи уйрӑмӗн начальникӗ А.К.Алексеев,  РФ потребительсен прависене хӳтӗлес енӗпе ӗҫлекен федераллӑ служба управленийӗн  Чӑваш Республикинчи — Патӑрьел районӗнчи уйрӑмӗн начальникӗ С.Е.Петрянкина, округ администрацийӗн мобилизацилле хатӗрленӳ, ятарлӑ программӑсен, гражданла оборона тата чрезвычайлӑ лару-тӑру пайӗн ертсе пыракан специалисчӗ А.В.Соловьева тата территори уйрӑмӗсен начальникӗсем хутшӑннӑ. Канашлура ҫурхи шы
Ҫулталӑк учительне палӑртнӑ

Ҫулталӑк учительне палӑртнӑ

«Учитель тени вӗрентетӗп тени кӑна мар, учитель тени — вӗренетӗп тени», тесе каланӑччӗ пӗр ҫыравҫӑ. Чӑннипех те, педагогӑн ачасен умне тухас тесен нумай пӗлмелле, вӗсен кашни ыйтӑвне хуравлама хатӗр пулмалла. Ҫавӑнпа та учителӗн хӑйӗн те ӗмӗр тӑршшӗпех вӗренме тивет. Мӗн те пулин ҫӗннине пӗлес, ӑса хывас тесен вара семинарсемпе конференцисене, фестивальсемпе конкурссене хутшӑнмасӑр ниепле те май ҫук. Малалла аталанас тӗллевлисем ҫапла тӑваҫҫӗ те.    Акӑ, мартӑн 12—13-мӗшӗсенче Урмаел вӑтам шкулӗнче иртнӗ «Ҫулталӑк вӗрентекенӗ — 2024» республика конкурсӗн муниципаллӑ тапхӑрне округри 6 педагог хутшӑннӑ. Конкурс ҫулсерен шкулсенчи чи хастар та пултаруллӑ педагогсене пуҫтарать. Вӗсен кашнинех ӗҫтешӗсене каласа памалли тата жюрие мӗн кӑтартмалли пур. «Ҫулталӑк учителӗ» ко