Ҫитес ҫул республикӑра Экологи тата ҫутҫанталӑкпа перекетлӗ усӑ курассин ҫулталӑкӗ пулӗ. Муниципаллӑ округӑн Обществӑлла палатин черетлӗ ларӑвӗнче калаҫу шӑпах ҫав ыйтусемпе иртнӗ. Ун ӗҫне округ пуҫлӑхӗ Н.Н.Раськин, обществӑлла ытти организацисен ертӳҫисем хутшӑннӑ.
Ларӑва обществӑлла палатӑн председателӗ К.С.Мифтахутдинов ертсе пынӑ. Ҫутҫанталӑка упрас ыйту пирӗн округра пурӑнакансемшӗн те пысӑк пӗлтерӗшлӗ пулнине палӑртнӑ. Пӗрле сӳтсе явса асӑннӑ ҫулталӑкра округра пурнӑҫламалли ӗҫсен планне пӑхса тухнӑ.
Ларӑва хутшӑнакансем ҫутҫанталӑка сыхлас ыйтусемпе шкулсенче калаҫусем ытларах йӗркелемеллине, тӑпра эрозине хирӗҫ кӗрешмелли ӗҫсем тумаллине, юханшывсен тасалӑхӗ пирки тимлемеллине тата ытти ыйтусем ҫинче чарӑнса тӑнӑ.
(Хамӑр инф).