Публикации

Район администрацийĕн ял хуçалăх, экономика, пурлăх тата çĕр хутшăнăвĕсен пайĕн специалист-эксперчĕпе К.Г.Гимальдиновпа выльăх-чĕрлĕх отраслĕн кăçалхи январь — сентябрь уйăхĕсенчи кăтартăвĕсем пирки тата фермăсене хĕле хатĕрлес ыйтусемпе калаçрăмăр. — Киям Гилачевич, районти ял хуçалăх предприятийĕсемпе фермер хуçалăхĕсем кăçалхи тăхăр уйăхра мĕнле ĕçлесе пынă? — Пĕтĕмĕшле илсен, япăх мар темелле. Сĕт туса илес енĕпе ял хуçалăх предприятийĕсенче пĕлтĕрхинчен кăтартусем лайăхрах. Республика шайĕнче те пирĕн район аваннисен ретĕнче. Октябрĕн 1-мĕшĕ тĕлне пĕрлешӳллĕ хуçалăхсем пурĕ 89694 центнер, иртнĕ çулхи çав вăхăтринчен 6 процент ытларах сĕт туса илнĕ. Фермăсенчи ĕнесем вăтамран кашниех 4458 килограмм сĕт антарнă. Ку енĕпе «Асаново» ЯХПКра (6500 килограмм), «Рассвет» ЯХПКра (6362 килогр

Çĕнĕ Мăрат вăтам  шкулĕнче кашни çулах «РДШ  вăйĕ» ăмăрту иртет.  Ăмăрту кĕркунне тата çуркунне пулать.  Шкулти пĕтĕм класс ачи хастаррăн хутшăнать унта.  Турник  çинче туртăнса ăмăртма вара ятарласах хатĕрленеççĕ.  Нумайăшĕн килĕсенче те турник пур ĕнтĕ.  Иртнĕ çулта Сергей Иванов чемпион  пулнă. Кăçал та  ăмăрту иртрĕ.  Хальхинче чемпион ятне Сергей шăллĕ Миша çĕнсе илчĕ. Чи вăйлă классем хăшĕсем пулнине пĕлтерер, пĕрремĕш вырăн — 10-мĕш класс,  иккĕмĕш вырăн — 3-мĕш класс,  виççĕмĕш вырăнта вара — 11-мĕшсем. Шкулти чемпионсем — Миша Иванов,  Милана Соловьева,  Татьяна Чубукова.  Константин Моторин,  Софья Григорьева — иккĕмĕш,  виççĕмĕш вырăнта — Дмитрий Кондратьев,  Дарина Ильина.

Октябрĕн 19-мĕшĕнче районтан  Комсомольски  тата Елчĕк районĕсен яшĕсене  çар операцине чыслăн  ăсатрĕç. «Кикак-кикак, хур кайăксем,  кайри мала ан тейĕр. Эпир тухса кайсассăн, ай, кайччăр та пĕтчĕр, ай, ан тейĕр», — чуна пырса тивмелле  янăрарĕ салтак юрри.  Çапла мобилизациленекенсем ялсенчен  салтак юрри шăрантарсах  çитрĕç района. Ятарлă  çар операцине пурнăçлама каякансене район администрацийĕн пуçлăхĕ Александр Осипов, ЧР Патшалăх Канашĕн депутачĕ Петр Краснов,  ЧР физкультурăпа спорт министрĕ Василий Петров,  çар комиссарĕ Сергей Данилов,  ЧР Хĕрарăмсен канашĕн районти уйрăмĕн председателĕ Инна Ядрова салтаксене  çак йышпах  каялла тавр ăнма телейлĕ  çул,  çирĕп сывлăх  сунчĕç.  Сергий и

 Çак кунсенче районти культура  çуртĕнче Атте кунне паллă  турĕ. Пухăннисене район администрацийĕн пуçлăхĕ Александр Осипов, районти депутатсен Пухăвĕн депутачĕ Светлана Грачева, ЧР Хĕрарăмсен канашĕн  районти председателĕ Инна Ядрова саламларĕç.  Хисеплĕ, маттур аттесене  çирĕп    сывлăх, тулли телей, ăнăçу сунчĕç. Кулленхи тата обществăлла ĕçре ырми-канми тăрăшакан  маттур ар çынсене Александр  Осипов   çак кун Хисеп грамотисемпе  чысларĕ. Нĕркеç культура çурчĕн заведующийĕ Михаил Кузнецов,  «Каçал» халăх фольклор ансамблĕн артисчĕ Юрий Тихонов, В.Х.Зайцева ячĕллĕ халăх театрĕн артисчĕ Виталий Хораськин район администрацийĕн Хисеп грамотисене тивĕçрĕç. Культура ĕçченĕсем пухăннисене савăк  юрă-кĕвĕ парнелерĕç.