Публикации

Районта спортпа туслă çынсем çав тери йышлă. Çакна ăмăртусенчи çитĕнÿсем çирĕплетеççĕ. Аслисем те, çамрăксем те, шкул ачисем те тупăшусенче малти вырăнсене йышăнаççĕ. Акă, хĕллехи канмалли кунсенче те районта чылай спорт мероприятийĕсем иртрĕç. Кам конькипе ярăнса, теприсем йĕлтĕр сырса, виççĕмĕшĕсем футболла выляса ăмăртрĕç. Юлашки вăхăтра хоккейла вылякансен йышĕ те самай ÿсрĕ. Çакă, паллах, ялсенче хоккей площадкисем хута кайнипе çыхăннă. Тĕслĕхрен, Хирти Сĕнтĕр ял тăрăхĕнче çеç хоккейла выляма тата конькипе ярăнса киленме 3 площадка пур. Ахальтен мар январĕн 16-мĕшĕнче Хирти Сĕнтĕр ял тăрăхĕнче «Юрататăп аттепе аннене тата хоккея» çемьесен спорт фестивалĕ иртрĕ. Асăннă фестивале Хирти Сĕнтĕр ял тăрăхĕн пуçарăвĕ-пе, Еленăпа Геннадий Тимченко ячĕллĕ ыркăмăллăх фончĕ тата Раççейри хоккей

Çĕнĕ коронавирус чирĕ çинчен пĕрремĕш хут илтнĕренпе çулталăк та иртсе кайрĕ ĕнтĕ. Килтен тухмасăр лармалли, çирĕп йĕркесене пăхăнмалли, обществăлла вырăна маскăсăр тухма юраманни, тĕрлĕ ĕçе онлайн мелпе тума хăнăхмалли пире чылай пăшăрхантарчĕ. Çын ырра та, усала та хăнăхать теççĕ. Эпир те пурнăçăн çĕнĕлĕхĕсене хăнăхрăмăр пулмалла. Апла пулин те, паянхи кун та коронавирусран сыхланасси çине алă сулмалла мар, профилактика йĕркисене çирĕп тытса пымалла. Районта пурăнакансем профилактика мерисене мĕнле пăхăннине тĕрĕслесе йĕркене пăсакансене явап тыттарас тĕллевпе районта кунсерен рейдсем иртеççĕ. Магазинсенче тата тĕрлĕ организаци-учрежденисенче йĕркене пăхăнса ĕçлеççĕ-и, обществăлла транспортпа усă куракансем сыхăлăх çинчен манмаççĕ-и — рейда тухакансем кашни пĕлтерĕшлĕ ыйту çине тимлĕх у

2020 çулта районти ЗАГС уйрăмĕ граждан тăрăмĕсемпе çыхăннă пурĕ 651 акт регистрациленĕ. Çав шутра 137 пепке çут тĕнчене килнине çирĕплетнĕ. 2019 çулта çуралакансем районта йышлăнрах пулнă — 160 çемьене «çĕнĕ кайăк» вĕçсе килнĕ. Пĕлтĕр çуралнă пепкесенчен 70-шĕ — арçын ачасем, 67-шĕ — хĕрачасем. 30 çемьере пĕрремĕш ачасем кун çути курнă, 46 çемьере — иккĕмĕшсем, 61 çемьере — виççĕмĕшсем е малаллахисем. Ашшĕ-амăшĕ арçын ачасем валли ытларах Максим, Ислам, Марк тата Амир ятсем суйланă. Хĕр пĕрчисене вара Амина, Виктория тата Софья ятсене хуракансем чылайăн. Пĕлтĕр пурĕ 372 çыннăн пурнăçĕ татăлнă /2019 çулта 397 çын пурнăçран уйрăлнă пулнă/. Çулталăк тăршшĕпе 82 мăшăр валли Мендельсон маршĕ янăранă. Çав вăхăтрах 39 мăшăр малалла пĕр çулпа утма хирĕççине палăртса уйрăлнă, çав шутра 35 мăшăр —

Комсомольскинчи «Кĕтне» физкультурăпа спорт комплексĕнчи бассейн юсав ĕçĕсем тăсăларах кайнă пирки чылай вăхăт хупă пулчĕ. Халĕ вара шывра ишме кăмăллакансене ырă хыпар пĕлтерме васкатпăр. Январĕн 15-мĕшĕнчен юсаса çĕнетнĕ бассейн уçăлнă. П.ПОРЯДКОВ.  

Йĕлтĕр спортне кăмăллакансем, январĕн 22-мĕшĕнче, эрнекун, Комсомольскинчи вăрман хĕрринчи йĕлтĕр трасси çинче Тукай ялĕнче çуралса ÿснĕ, СССР спорт тава тивĕçлĕ мастерĕ В.П.Воронков ячĕпе йĕлтĕрпе чупассипе ăмăрту пулать. Спортсменсене ăмăртăва 10 сехетре кĕтетпĕр. Старт — 11 сехет те 30 минутра. Арçынсем — 3000 метр, хĕрарăмсем — 2000 метр, шкул ачасем — 1000, 2000 метра чупса ăмăртĕç.  

Телефонпа, интернет урлă улталакансем ниепле те лăпланмаççĕ, Чăваш Енре вĕсен вăлтине çакланнă çынсен ахаль те вăрăм списокĕ пысăк хăвăртлăхпа хутшăнса пырать. Çак кунсенче 63 çулхи хĕрарăм пулăшу ыйтнă. Ăна такам телефонпа шăнкăравланă — банкăн хăрушсăрлăх службинчен имĕш. Çакскер унăн кредит карточки çинчен ултавçăсем укçа вăрлама тăни çинчен пĕлтернĕ. Çавна май банк карттин номерне тата 3 цифрăллă вăрттăн кода калама ыйтнă. Информацие пĕлнĕ хыççăнах ултавçăсем картта çинчи 69 пин тенкĕне йăкăртнă та. Çакăн пек ултав çулĕпе усă курса республикăра пурăнакан тата 3 çынна улталанă: пĕрин счечĕ çинчен 19 пин çухалнă, теприн — 235 пин, виççĕмĕшĕн — 68 пин. Шупашкарта пурăнакан 35 çулти хĕр вара биржăра услам тума ĕмĕтленсе пысăк çухату тÿснĕ. Палламан çынпа электрон мелпе çыру çÿретнĕ май ă

2021 çулхи январь — февраль уйăхĕсенче Чăваш Енре халăх тупăшĕсене суйлавлăн сăнассине социаллă программăсемпе усă курса пурнăçлаççĕ. Çемьере мĕнле условисенче пурăннине, тупăшĕсемпе мĕнле усă курнине, мĕн кирлине, пурнăçа мĕнле йĕркелесси çинчен çемьепе тĕл пулса çеç пĕлме пулать. Раççейре 60 пин кил хуçалăхĕ, Чăваш Енре — 576. Адресĕсене ăнсăртран суйласа илнĕ. Çемьесемпе ачасенчен пĕрремĕш хут ыйтăм ирттереççĕ: çĕршывĕпе — 10 пин кил хуçалăхĕ, рес- публикăра — 96. Республикăра тишкерме 7 хула уйăрнă: Шупашкар, Çĕнĕ Шупашкар, Улатăр, Канаш, Çĕмĕрле, Çĕрпÿ тата Етĕрне. Унсăр пуçне 10 район суйласа илнĕ. Вĕсем хушшинче Патăрьел, Вăрнар, Йĕпреç, Канаш, Комсомольски, Муркаш, Вăрмар, Шупашкар, Çĕрпÿ тата Етĕрне. Республикăра пурăнакансенчен ятарласа вĕреннĕ интервьюерсем ыйтăм ирттереççĕ.

Хаклă вулаканăм! Паян хаçатăн çулталăкри пĕрремĕш номерĕ пичетленсе тухрĕ. Вăхăт çиçĕм пекех хăвăрт иртет — палăртса хунă ĕçсене пурнăçласа ĕлкĕр çеç. Иртнĕ çул кĕтменлĕхсен, çирĕп тĕрĕслевсен çулталăкĕ пулчĕ пулин те эпир пуçа усмарăмăр, йывăрлăхсене çĕнтерсе малалла талпăнтăмăр. Чи малтанах хаçат страницисенче республика, район пурнă- çĕпе туллин паллаштарма тăрăшрăмăр. Унта çеç-и? Интернет хутлăхне кăмăллакансемшĕн социаллă сетьсенче те хыпарсемпе паллаштарсах тăтăмăр. Çулталăк хушшинче журналистсем ăçта кăна çитсе килмерĕç-ши, кампа кăна тĕл пулмарĕç-ши; Пирĕн пата çыру, хыпар çитерекенсем те сахал мар пулчĕç. Пирĕн ĕç пĕтĕмпех сирĕн, хисеплĕ вулакансен, куçĕ умĕнче. Эсир пирĕн ĕçе хаклакансем, пирĕн йăнăшсене куракансем. Кулленхи ĕçре йăнăш каясси те пулать. Вĕсемшĕн каçарăр пире. К

1941 çулхи октябрь пуçламăшĕнче фронтри лару-тăру питĕ йывăр пулнă. Фашистсем Мускав еннелле çывхарса пынă. Тăшмана Хусан енне кайма чарас тĕллевпе Căр тата Хусан хÿтĕлев чиккисем тума пикеннĕ. Сăр çыранĕнчи ĕçсем валли октябрĕн 28-мĕшĕнче халăха мобилизацилеме пикеннĕ. Çак ĕçе 17 çултан çамрăк мар, ÿт-пÿ енчен сывă çынсене явăçтарнă. 380 çухрăма тăсăлакан хÿтĕлев чиккисене хатĕрлеме 170 пин ытла çынна пуçтарнă. «Дубрава» колхозра тыр-пула пуçтарса кĕртсен Йăлмахвасем колхоз ертÿçипе Тимофей Семенович Зайцевпа пĕрле Пăрачкав районне Сăр юханшывĕ хĕррине çитнĕ. Кашни районăн ĕçлекенсене кирлĕ ĕç хатĕрĕсемпе — кĕреçесемпе, киркăсемпе, лумсемпе, кăкшăмсемпе, пăчкăсемпе, тачкăсемпе, наçилккесемпе тата ыттисемпе те тивĕçтермелле пулнă. Колхозсем — апат-çимĕç, аш-какай, фураж, врач участокĕсем

«2021 çула хавас кăмăлпа кĕтсе илтĕмĕр пулин те, çулталăкăн пĕрремĕш кунĕсемех усал хыпар илсе çитерчĕç. Чи малтанах январĕн 1-мĕшĕнче Вăрмар районĕнче Урнар ялĕнче тухнă пушарта 6 çын пурнăçĕ татăлчĕ, пурлăх çунса кĕлленчĕ. Ун хыççăн çине-çинех вут-çулăм республикăн тĕрлĕ кĕтесĕнче алхасрĕ. Çав шутра инкек пирĕн района пырса тиврĕ — 3 хутчен «хĕрлĕ автан» алхасрĕ. Январĕн 3-мĕшĕнче Янкасси ялĕнчи пĕр хуçалăхра мунча çунчĕ. Сăлтавĕ — мăрьене пушар хăрушсăрлăхĕн правилисене пăхăнса туманни. Ун хыççăнах Хырай Ĕнел ялĕнче çурт шалтан юрăхсăра тухнă. Ку тĕслĕхре – электроприбор юсавсăрри — вут-çулăм сăлтавĕ. Январĕн 7-мĕшĕнче Анат Тимĕрчкассинче тухнă вут-çулăм, пурлăха пĕтĕмпех кĕле çавăрнă. Шел пулин те кил-çурт та, хурлатăсем те пĕтĕмпех çуннă. Çавăнпа та пурнăçа тата пурлăха пушартан сыхл