Публикации

Пĕтĕм тĕнчери инвалидсен кунĕ ячĕпе районти тĕп библиотекăра «Ку тĕнчере эсĕ пĕччен мар» темăпа çавра сĕтел иртнĕ. Унта медицинăпа социаллă экспертиза тĕп бюровĕн 15-мĕш номерлĕ филиалĕн ертӳçи Валентина Васильева, 41-мĕш номерлĕ аптека заведующийĕ Людмила Васильева, РФ Пенси фончĕн клиент службин тĕп специалист-эксперчĕ Ирина Самарина, социаллă страховани фончĕн тĕп специалисчĕ Валентина Тихонова, халăха социаллă пулăшу паракан центр директорĕ Татьяна Смирнова, социаллă хӳтлĕх пайĕн специалисчĕ Нина Зайцева хутшăннă. Вĕсем хăйсен ведомствисенчи çĕнĕлĕхсемпе паллаштарнă, тĕлпулăва килнисен ыйтăвĕсем çине хуравланă. Мероприятие ертсе пыракан Валентина Боровковăпа Светлана Григорьева пуçтарăннисене чир-чĕре парăнмасăр пурнăçра пысăк çитĕнӳсем тунă çынсем çинчен каласа панă, фильмсем к

Чĕпсене кĕркунне шутлаççĕ теççĕ те, кĕр мăнтăрĕпе районти ял хуçалăх предприятийĕсен ĕçĕ-хĕлĕпе паллаштарма район администрацийĕн (муниципаллă округăн) ял хуçалăх, экономика, пурлăх тата çĕр хутшăнăвĕсен начальникĕн ĕçĕсене вăхăтлăх пурнăçлаканне Р.Е.Басникова ыйтрăм. Вăл агрономи енĕпе ĕçленĕ май, калаçу ытларах уй-хир отраслĕ тавра пулчĕ пулин те, ял хуçалăхĕн ытти ыйтăвĕсем çинче те чарăнса тăтăмăр. — Радий Евгеньевич, кăçалхи çул çĕр ĕçченĕсемшĕн çăмăлах пулмарĕ пулĕ? — Ял хуçалăхĕнче нихăçан та çăмăл пулман. Кăçал вара, чăнах та, хăйнеевĕрлĕхсемпе палăрса юлчĕ. Районти пур формăллă ял хуçалăх предприятийĕсемпе фермер хуçалăхĕсем те çурхи ака-суха ĕçĕсене тĕплĕн хатĕрленсе çитнĕччĕ. Çителĕклĕ таран пахалăхлă вăрлăх пурччĕ, техника паркĕ те юсавлăччĕ, çунтармалли-сĕрмелли хатĕрсе

Пирĕн районта тĕрлĕ халăх туслă пурăнать.  Кашни наци  хăйĕн культурине, йăла-йĕркине упраса хăварса унпа çамрăксене паллаштарма тăрăшать.  Ахальтен мар  чăваш çĕрне  «Çĕр пин сăмах, çĕр пин юрă,  çĕр пин тĕрĕ çĕршывĕ» теççĕ. Чăваш тĕррин илемлĕхĕ, пуянлăхĕ ламран лама куçса  пырать. Йӳç Шăхаль ялĕнче чăваш тĕррисене тĕрлеме кăмăллакан, вĕсене  асамлăх паракан алă ăсти Людмила Степановна Козлова пурăнать.  Вĕсем патне кĕрсен  тĕрĕсен илемлĕхĕ куçа тыткăнлать, хăвна  юмах тĕнчине лекнĕ пекех туятăн. Маçтăр тĕрленĕ темĕн тĕрлĕ ӳкерчĕк — куç тулли илем. Сарă, хĕрлĕ, кăвак чечексем, сип-симĕс улăх-çарансем, ял сăнĕсем... мĕн чухлĕ ĕç упранать кил-çуртра?! Тĕрленĕ япаласем çеç илем кӳмеççĕ иккен çурта. Кунта чӳрече янаххисем çинче вĕтĕ шăрçаран тунă чечекс

Иртнĕ канмалли кунсенче  Шупашкар хулинче  Чăваш митрополийĕ 10 çул тултарнă тĕле республикăри  вырсарни шкулĕсен пысăк фестивалĕ иртрĕ.   Унта 12 районти  вырсарни шкулĕн коллективĕсем хутшăнчĕç. Çак пысăк мероприятирен районти «Вознесения  Господня» чиркӳ çумĕнчи вырсарни шкулĕн ачисем Вениамин Албутов, Тихон Алямшин, Виктория Шумилкина, Екатерина Говорова, Кристина Игнатьева, Дмитрий Иванов хутшăнчĕç, Ираида Спиридонова,   Ирина Лукина педагогсем те айккинче юлмарĕç. Вĕсем фестивальте хастарлăхпа палăрса лауреат  ятне тивĕçрĕç. Педагогсемпе ачасем чиркӳ макетне алăпа ăсталаса хатĕрленĕ. Вăл (сăнӳкерчĕкре) чăннипех те илемлĕ,  хăйне евĕрлĕ пулса тухнă. О.Воронова.   

Ноябрĕн 25-мĕшĕнче  «Çĕр тата çынсем» халăх  музейĕнче «Вдохновение для души» курав уçăлчĕ.  Анне кунĕ умĕн йĕркеленĕ, йăлана кĕнĕ куравра алă ĕçĕсен  ăсталăхĕн  тĕрлĕ тĕсне алла илнĕ хĕрарăм-ăстаçăн, пултаруллă та маттур çыннăн, Екатерина Пермякован  ĕçĕсене курма пулать.  «Кăçалхи курава Комсомольски  ялĕнче кун çути курнă, кунтах пурăнакан Екатерина Пермякова ĕçĕсенчен йĕркелерĕмĕр. Курав залне алăпа тĕрленĕ, çыхнă  30  ытла ĕç тата тĕрлĕ техникăпа ăсталанă ĕçсене   вырнаçтартăмăр.  Чăн та,  суйласа илнĕ   тĕрĕсенче  мĕн чухлĕ асамлăх, ем-ешĕл тум тăхăннă уçланкă та,  кăн-кăвак чечексен пуххи те, тĕрлĕ ӳкерчĕксем чунри çепĕçлĕхе вăратаççĕ, алăпа тĕрлĕ тĕслĕ çиппе   çыхнă пуканесем, те