Публикации

Кашни çыншăн чи пысăк телей — «çĕнĕ кайăка» алла илесси, аттепе анне ятне илтесси. 2023 çула Чăваш Республикинче Телейлĕ ачалăх çулталăкĕ тесе пĕлтернĕ. Çĕршывăн пĕчĕк гражданинĕ çут тĕнчене килни — чăннипех те савăнăçлă самант. Çĕнĕ çул пуçланнăранпа Комсомольски муниципаллă округĕнче сакăр ача çуралнă. Кăçал çуралнă пĕрремĕш пепке вара — Вăрманхĕрри Чурачăк ялĕнче пурăнакан çамрăк мăшăрăн. Вăл тĕнчене килнине январĕн 6-мĕшĕнче регистрациленĕ, çемьери пĕрремĕш тĕпренчĕк валли ашшĕ-амăшĕ илемлĕ ят — Савелий — суйласа илнĕ. 2022 çулта пирĕн районта пурĕ 151 ача кун çути курнă. Иртнĕ çулта пирĕн тăрăхра 78 мăшăр пĕрлешнине регистрациленĕ. Кăçал çулталăк пуçланнăранпа виçĕ çемье чăмăртаннă. Уйрăлакансем те сахалах мар пулнă — 59 çемье арканнă. Çав шутран 57 мăшăр суд йышăнăвĕпе уйрăлнă

Ялти медицина ĕçченĕ яланах хисеплĕ çын шутланнă. Шурă халатлă ĕçчен кирек хăçан та пулăшасса пурте шанса тăраççĕ. Эмелпе çеç мар, ăшă сăмахпа та сиплекен фельдшер патне ял халăхĕ туртăнать, тав туса ырă сăмахсем калать. Шăпах çакăн пек ăшă кăмăллă фельдшер Нĕркеçри ФАП-ра вăй хурать. В.В.Карпова 40 çул ĕнтĕ ял çыннисен сывлăхне сыхлать. Вăл Нĕркеç тата Янкасси ялĕсенче пурăнакансемпе ĕçлет. Валентина Васильевна сăнаса тăракан ялсенче пурĕ 528 çын, çав шутра 83 ача. Ялта пурăнакансем ун çинчен яланах ăшшăн калаçаççĕ, тимлĕ те тăрăшуллă пулнăшăн тав тăваççĕ. Фельдшер ĕçĕ пĕрре те çăмăл мар. Валентина Васильевна чирлисене ФАП-ра йышăннисĕр пуçне килĕрен те çӳрет, ял халăхне эмелсемпе тивĕçтерет, кирлĕ чухне «васкавлă пулăшу» чĕнет. Хальхи демографи кăтартăвĕсем тăрăх, ялсенче аслă ӳсĕ

Ачаран спорта юратса çитĕн- нĕ çын ĕмĕр тăршшĕпех унпа туслă юлать. Урмаел ялĕнче çуралса ӳснĕ Фидаиль Рахимзянов та мĕн пĕчĕкренех йĕлтĕрпе чупма юратнă, ушкăн вăййисене кăмăлланă. Малалла та хăйĕн пурнăçне физкультурăпа тачăрах çыхăнтарас тĕллевпе вăл Шупашкарти И.Я.Яковлев ячĕллĕ педагогика институтне вĕренме кĕнĕ. Ăна ăнăçлă вĕçленĕ хыççăн Фидаиль Гадельянович Аслă Чурачăк вăтам шкулĕнче ачасене физкультура предметне вĕрентет. Вăл ĕçленĕ çулсенче ку шкул ачисем уйрăмах йĕлтĕр спорчĕ енĕпе çитĕнӳсем тăваççĕ. Районта иртекен ăмăртусенче малти вырăнсем çĕнсе илеççĕ. Урмаел вăтам шкулĕнче вăй хунă çулсенче те ачасене спортпа туслаштарас енĕпе педагог чылай ĕç тăвать. Унти вĕренекенсен команди спортăн чылай енĕпе районта палăрать. Паянхи кун та вăл спортпа çывăх тăрать. Ачасемпе çамрăкс

Республикăри массăллă информаци хатĕрĕсенче ĕçлекенсем январь уйăхĕнче харăсах икĕ уява, Раççей тата Чăваш пичет кунĕсене, паллă тăваççĕ. 1703 çулхи январĕн 13-мĕшĕнче Раççей патшалăхĕнче пĕрремĕш хаçат — «Ведомости» — кун çути курнă. Унăн редакторĕ I Петĕр патша хăй пулнă. Пĕрремĕш хаçатăн тиражĕ пин экземплярпа çеç танлашнă пулин те, вăл пичет историйĕшĕн паллă событи пулса тăнă. Раççей пичечĕн уявне çак пулăмпа çыхăнтарнă. Уява 1991 çулта РФ Президенчĕн указĕпе çирĕплетнĕ. Чăваш пичечĕн кунне 2000 çултанпа январь уйăхĕн виççĕмĕш вырсарникунĕнче уявлаççĕ. Ку дата чăвашсен пĕрремĕш хаçачĕ «Хыпар» тухнă вăхăтпа çыхăннă. Унăн малтанхи номерĕ 1906 çулта январьте пичетленсе тухнă. Пирĕн район хаçачĕн пĕрремĕш номерĕ «Каçал ен» («Паянхи сас», «Авангард», «Октябрь ялавĕ») 1931 çулхи ф

Кăрлачăн 13-мĕшĕнче Раççейри калем ăстисем хăйсен професси уявне палăртаççĕ. Район хаçачĕн ĕçченĕсене хисеп туса пĕр кун маларах «Каçал ен» редакцине сумлă хăна — Тăманлă Выçли ялĕнче пурăнакан Зинаида Киргизова — ирех килсе çитрĕ. Зинаида Киргизова çинчен хаçатра пĕрре мар çырнă эпир. Вăл «ылтăн» алăллă хĕрарăм тесен те тĕрĕс. Кирек мĕн тытсан та ăстаскерĕн пурте илемлĕ те ятуллă пулать: тĕрри те, çĕвви те, çыхнă мĕнпур япали те. «Каçал ене» çулсеренех çырăнать вăл. Маттур хĕрарăм редакцине те пушă алăпа килмерĕ — кăçалхи çулталăк кролик çулĕ пулнине асра тытса, чĕнтĕр йĕппипе хăй çыхнă çемçе теттесене — хаçат вулакан кроликсен çемйине — парнелерĕ. — Зинаида Васильевна, парнешĕн тавтапуç сире. Ку эксклюзивлă чĕрчунсем малашне пирĕн патра «пурăнĕç», ăнăçу илсе килĕç. Пирĕншĕн эсир п

Этемлĕх аталанăвĕнче 90 çул кĕске самант анчах. Уйрăм çын пурнăçĕнче вара çак вăхăт пĕлтерĕшлĕ тапхăр:  ĕçĕ-хĕлĕ, çемье, халăх хушшинчи пурнăçĕ... Пурне те кĕскен каласа та пĕтереймĕн. Тăхăрвунă çулхи юбилей тулли кĕрекере тăвансемпе, тус-йышпа, кӳршĕ-аршăпа пуçтарăнмалли сăлтав çеç мар, иртнине аса илмелли, пĕтĕмлетӳсем тумалли вăхăт та. Çĕнĕ Мăрат ялĕнче пурăнакан Ольга Ильинична Басникован вара аса илмелли, каласа памалли нумай. Вăл хăйĕн пĕтĕм ĕмĕрне ĕçре ирттернĕ. Мăшăрĕпе çурт-йĕр те çавăрнă, йывăç та лартса ӳстернĕ, ача-пăча çуратса çитĕнтернĕ, ĕмĕр тăшшĕпех ял хушшинче те, районта та хисепре пулнă. Ольга Ильинична пирки эпĕ ăнсăртран сăмах пуçламарăм. Çак кунсенче вăл 90 çулхи юбилейне паллă тăвать. Нумаях пулмасть Басниковсем патне кĕрсе тухма тӳр килчĕ те, аслă ăрури çынпа