Четверг, Январь 17

Публикации

Кашни килте пулмалла хаçат

Кашни килте пулмалла хаçат

Николай Скворцов (Киров поселокĕ): - "Каçал ен" хаçатпа тахçантанпах туслă. Вăл килессе чăтăмсăррăн кĕтетĕп. Алла лексен пуçламăшĕнчен вĕçне çитиччен вуласа тухмасăр пăрахма çук, урăх ĕçе те тытăнаймастăп. Хаçат кăсăклă пултăр тесе журналистсем çанă тавăрса ĕçлени сисĕнет. Çакă тĕлĕнтерет: пĕрмаях районăн тĕрлĕ ялĕсене çитеççĕ, хăш вăхăтра ларса çыраççĕ-ши? Материалсене вулама çав тери кăмăллă. Хаçат страницисенче кун çути куракан сăнỹкерчĕксене те тишкермесĕр чăтаймастăп. "Каçал ен" ("Октябрь ялавĕ") хаçатра 20 çул ытла фотограф пулса тăрăшрăм. Çавăнпа та пулĕ хаçат çав тери çывăх. Район хаçачĕ кашни килтех пултăрччĕ!
Çĕнĕ Указ — çĕнĕ тĕллевсем

Çĕнĕ Указ — çĕнĕ тĕллевсем

Майăн 7-мĕшĕнче РФ Президенчĕ Владимир Путин çĕнĕ Указ алă пусса çирĕплетнĕ. Унта Раççей аталанăвĕн 2024 çулчченхи приоритетлă наци тĕллевĕсене палăртса хăварнă. Ĕç документĕнче пурĕ 17 пункт. Вĕсем, наукăпа техника аталанăвĕ, РФ социаллă пурнăçĕпе экономика хăвачĕ, халăх йышне ỹстересси, граждансен пурнăç условийĕн шайне хăпартасси, çынсене хăйсене тĕллĕн аталанса пыма кирлĕ пек мерăсем йышăнса хăварасси тата ытти те. "Раççей Президенчĕ май уйăхĕнче кăларнă çĕнĕ Указа пурнăçа кĕртме Чăваш Республики хатĕр. Раççей Федерацийĕн Президенчĕ палăртнă тĕп ыйтусемпе ĕçлеме, вĕсене пурнăçа кĕртсе пыма Чăваш Республикин мĕнпур условисем çителĕклĕ. Пирĕн пуçаруллă проектсем те сахал мар", - çирĕплетсе каланă Чăваш Ен Пуçлăхĕ Михаил Игнатьев. ХАКЛАВ: Геннадий Филиппов, районсем хушшинчи
Мирлĕ пурнăçшăн тавах

Мирлĕ пурнăçшăн тавах

Тăван çĕршывăн Аслă вăрçи пирĕн пурнăçра пысăк йĕр хăварнă. Кашни çемьех çывăх тăванĕсене çухатнă. Çĕнтерỹ пулнăранпа кăçал 73 çул çитет пулин те çав хăрушă, йывăр кунсене асра тытакансем сахал мар. Мĕншĕн тесен вĕсем ахăр саманана хăйсен куçĕпе курнă, чăтса ирттернĕ. Пирĕн районтан вăрçа 6 пин ытла çын хутшăннă, 3,5 пинĕшĕ каялла таврăнайман. Йывăрпа, вăрах вăхăт хушши çапăçса çĕнсе илнĕ Çĕнтерỹ çулĕ çулсеренех аякра юлса пырать пулсассăн та, унăн ахрăмĕ вăрçă ветеранĕсен, тылри ĕçченсен асĕнчен тухмасть. Çĕнтерĕве туптанă паттăрсен йышĕ те çулсерен чакать. Паянхи куна районта вăрçă участникĕсемпе инваличĕсем, 18-ăн çеç юлнă. Вĕсем: Зинетзян Алиякберович Абдрахманов, Алексей Никитич Атласкин, Георгий Михайлович Белков, Сенетулла Гинетуллович Волков, Алексей Михайлович Галкин, Василий Петр
Раççей Федерацийĕн Президенчĕн инаугурацийĕ иртрĕ

Раççей Федерацийĕн Президенчĕн инаугурацийĕ иртрĕ

Май уйăхĕн 7-мĕшĕнче Кремльте Раççей Федерацийĕн Президенчĕн инаугурацийĕ пулчĕ. РФ Конституцийĕпе килĕшỹллĕн, Владимир Путин официаллă майпа Президент должноçне кĕнĕ пулăма депутатсем, сенаторсем, регионсен пуçлă-хĕсем, тĕрлĕ политика ертỹçисем, обществăлла организацисенче тăрăшакансем, бизнес сферăсенчи пуçлăхсем, массăллă информаци хатĕрĕсенче вăй хуракансем тата ытти официаллă çынсем пуçтарăннă, йыхравланисен шутĕнче - Чăваш Республикин Пуçлăхĕ Михаил Игнатьев та. Президент должноçне йышăннă хыççăн Владимир Путин Собор площадĕнче Президент полкĕпе паллашнă. Майăн 7-мĕшĕнче полк йĕркеленнĕренпе 82 çул çитнĕ. Владимир Путин Раççейри çамрăксен обществăлла, волонтерсен организацийĕсен представителĕсемпе курнăçнă, тĕрлĕ ыйтăва сỹтсе явнă.
Тымарсăр йывăçăн пуласлăхĕ çук

Тымарсăр йывăçăн пуласлăхĕ çук

"Ветерансен Ассоциацийĕ ГСОВГ-ГСВГ-ЗГВ тата Варшава договорне кĕрекен çĕршывсем" Чăваш регионĕнчи обществăлла организацийĕ Аслă Çĕнтерĕве 73 çул çитнĕ май, çавăн пекех районти Совет Союзĕн пилĕк Геройне, Федор Чернова, Георгий Чернова, Константин Антонова, Геннадий Габайдуллина, Иван Кабалина, Çĕнĕ Сĕнтĕрте кун çути курнă хастар пулеметчика Иван Смирнова, пĕтĕм вăрçă ветеранĕсене тата çамрăк ăрăва патриот воспитанийĕ парас, вĕсене хамăрăн историпе тĕплĕнрех паллаштарас тĕллевпе авточупу йĕркелерĕ. Унта "Пограничное братство" обществăлла организаци тата Тинĕс-çар флочĕн районти организацийĕн членĕсем, Афганистан çĕрĕнче интернационалла тивĕçе пурнăçланисем чылайăн пуçтарăнчĕç. Авточупăва тухнисем чăн малтанах Çĕнĕ Сĕнтĕр ялне çул тытрĕç. Çуллахи кун хăй илемĕпе пурин чунне те тыткăнлама
Çĕр çинче нихçан та вăрçă ан пултăр

Çĕр çинче нихçан та вăрçă ан пултăр

Кирек мĕнле вăрçă пирки те çырма, каласа кăтартма питĕ йывăр. Шел, Аслă Çĕнтерĕве çывхартнă фронтовиксем те çулсерен сахалланса пыраççĕ. Тискер вăрçа хутшăннă салтак хăй чĕрĕ палăк теессĕм килет. Районта паянхи кун вĕсем пирĕн хушăра вун саккăрăн кăна юлнă. Вăрçăпа ĕç ветеранĕсемпе эпир савăнатпăр та, мухтанатпăр та. Вĕсенчен пĕри - Дубовка ялĕнче пурăнакан Сергей Кириллович Совин. Чи çамрăк вăрçă участникĕн кăкăр тулли медаль... - Вăрçă вăл - куççуль, юн, вилĕм. Çав вăхăтрах вăрçă вăл миллионшар çыннăн нуши-терчĕпе вĕсен хуйхи-суйхи те, тата татăлнă ĕмĕт-тĕллевĕ... Иккĕмĕш тĕнче вăрçи, чăнах та, ытла та хăрушă, тискер пулчĕ-çке. Фашистсене хирĕç пур халăх ывăлĕ-хĕрĕ пĕр йышпа çĕкленсе Тăван çĕршыва ирĕке кăларассишĕн хăюллăн çапăçрĕ, - аса илет иртнĕ кунĕсене Сергей Кириллович. Вунн
Районта ĕçлĕ визитпа — Михаил Игнатьев

Районта ĕçлĕ визитпа — Михаил Игнатьев

Районти хуçалăхсем паян ытларах тырă-пулă акассипе тимлеççĕ пулсан, малашлăха пăхакансем ытти ял хуçалăх культурисем пирки те манмаççĕ. Акă, тĕслĕхрен, "Комсомольские овощи" агрофирмăнах илер. Кунта хальхи вăхăтра кишĕр акаççĕ, çĕрулми лартаççĕ. Çурхи ака ĕçĕсем мĕнле пынипе паллашас тĕллевпе иртнĕ эрнере районта Чăваш Республикин Пуçлăхĕ Михаил Игнатьев ĕçлĕ визитпа пулчĕ. Чăваш Республикин Министрсен Кабинечĕн Председателĕн çумĕ - Чăваш Республикин ял хуçалăх министрĕ Сергей Артамонов, район тата район администрацийĕн пуçлăхĕсем Хасиятулла Идиатуллинпа Александр Осипов, район администрацийĕн ял хуçалăхĕпе экологи пайĕн ĕçченĕсем ертỹçĕпе пĕрле чăн малтан "Комсомольские овощи" ОООна çитсе курчĕç, çĕрулми лартас, кишĕр акас ĕç епле пынипе кăсăкланчĕç. "Комсомольские овощи" ООО районт
«Хунав» фестиваль-конкурс иртрĕ

«Хунав» фестиваль-конкурс иртрĕ

Чăвашлăха упрас, малалла аталантарас, пултаруллă ачасене тупса палăртса, чăваш чĕлхине тата та лайăхрах вĕренме хавхалантарас тĕллевпе районта тĕрлĕ мероприятисемпе конкурссем чылай йĕркелеççĕ. Тĕслĕхрен, мĕн пĕчĕкренех тăван халăхăн йăли-йĕркине, чăваш чĕлхин илемне, çепĕçлĕхне туйма вĕрентес тĕллевпе республикăри ача сачĕсем хушшинче "Хунав" фестиваль ирттерессине йăлана кĕртнĕ. Асăннă фестиваль пĕлтерĕшне кура ăна çулсеренех ирттерме йышăннă. Акă, нумаях пулмасть Комсомольскинчи "Пучах" ача сачĕ чăвашлăха кăмăллакансене хăйĕн кĕрекинче пуçтарчĕ. Районти ача сачĕсене çỹрекен тĕрлĕ ỹсĕмри пепкесем "Асамлă юмах тĕнчи", "Янра, сăввăм, хыттăнрах", "Чăваш тĕррин вăрттăнлăхĕ", "Илемлĕ чăваш юрри" номинацисенче мала тухассишĕн тăрăшрĕç. Конкурсантсем пурте пултарулăхпа палăрчĕç. "Пучах
Яланах янра, чăваш чĕлхи!

Яланах янра, чăваш чĕлхи!

Пирĕн тăван чĕлхе - чăваш чĕлхи. Вăл халăхăн ĕмĕр сỹнми ăс-тăн чечекĕ. Эпир мĕн пĕчĕкрен чăвашла калаçса ỹсетпĕр. Чăваш чĕлхи - атте-анне чĕлхи. Тăван чĕлхе - чи çепĕç те илемлĕ чĕлхе, чи пахи, чун уççи. Мĕн тери илĕртỹллĕн янăрать вăл?! Пирĕн хамăрăн тăван чĕлхепе яланах мухтанмалла, ăна упрама тăрăшмалла. И.Я.Яковлев çуралнă кунĕнче, ака уйăхĕн 25-мĕшĕнче, чăваш халăхĕ Чăваш чĕлхи кунне паллă тăвать. Çак кунсенче Хирти Мăнтăр ялĕнчи культура çуртĕнче Чăваш чĕлхи кунне, çавăн пекех Аслă вĕрентекенĕмĕре, И.Я.Яковлева 170 çул çитнине халалласа, "Яланах янра, чăваш чĕлхи!" хаваслă уяв иртрĕ. Ăна чăваш халăхĕн йăли-йĕркине упраса хăварас тĕллевпе улахпа уçрĕç. Ачасем тăван чăваш чĕлхи пирки çырнă сăвăсене вуларĕç, хăйсен янăравлă та уçă сассисемпе чăваш чĕлхи питĕ пуян та çепĕç, асамлă пул
Преступленисене уçăмлатнă

Преступленисене уçăмлатнă

Иртнĕ эрнере РФ ШĔМĕн муниципалитетсем хушшинчи "Комсомольский" уйрăмĕ кăçалхи виçĕ уйăхри ĕç-хĕле пĕтĕмлетсе ирттернĕ канашлăва Чăваш Республикин шалти ĕçсен министрĕн çумĕ С.Зуева, район администрацийĕн пуçлăхĕ А.Осипов, район прокурорĕ В.Николаев, асăннă уйрăмăн сотрудникĕсем, ветерансен канашĕн ертỹçисем хутшăнчĕç. - 2018 çулăн пĕрремĕш кварталĕнче район территорийĕнче 35 преступлени тунине тупса палăртнă. Кăтарту иртнĕ çулхи асăннă тапхăртинчен 12,5 процент сахалрах, - терĕ муниципалитетсем хушшинчи "Комсомольский" уйрăмĕн начальникĕ Ринат Зайнуллин. Кăçал отчетлă тапхăрта 10 пин çынран 14-шĕ йĕркене пăснă пулсан, 2017 çулта ку кăтарту 16 çынпа танлашнă. Сăмах май, Канаш (31,9 процент), Çĕнĕ Шупашкар (30,1 процент) хулисемпе Çĕмĕрле (24,9 процент) тата Куславкка (23,8 процент) р