Публикации

Вĕрентекенсен кунĕнче ачасем юратнă учителĕсене чечек çыххисем парнелеççĕ. Хулара хаклă букетсем туянаççĕ. Чечексем хăвăрт шанаççĕ, асра нимĕнех те юлмасть. ЭКА юхăмăн директорĕ Е.Горохова ачасене «Букет вырăнне — вăрман» акцие хутшăнма чĕнет. Хăвăр килĕштерекен вĕрентекен валли кашни пĕрер йывăç лартсан та пĕчĕк вăрман пулать. ЭКА юхăмăн «Вăрман ларт» проекчĕ 2015 çултанпа ĕçлет. 6 çул хушшинче 42 регионти волонтерсем 1,5 миллион тĕп йывăç лартнă. Ял ачисен те ку пархатарлă ĕçе хутшăнма май пур. Ю.МИХАЙЛОВ хатĕрленĕ.  

Август уйăхĕнче «Кооператор» ООО Пĕтĕм Раççейри «Турист сувенирĕ» конкурса хутшăнма заявка панăччĕ. Атăлçи федераллă округри тапхăра 12 регионти 453 издели хутшăннă. Пермь крайĕнчи, Самара, Саратов, Ульяновск, Чулхула, Киров, Пенза облаçĕсенчи, Пушкăртстан, Мордва, Тутарстан, Удмурт тата Чăваш республикисенчи предприятисем хăйсем туса кăларнă продукцие тăратнă. Сувенирсем номинацире пирĕн районти «Кооператор» ООО хатĕрленĕ «Яблочный» сĕткен те пур. Экспертсем ăна финалти выставкăра хаклĕç. Çĕнтерÿçĕсем ытти регионсенче палăрнисемпе пĕрле Пĕтĕм Раççейри конкурсăн финалĕнче тупăшĕç.  

Çак ятпа регион Пуçлăхĕ О.Николаев сентябрĕн 28-мĕшĕнче Чăваш наци телекуравĕнче «тÿрĕ лини» ирттернĕ. Унта ЧР Пуçлăхĕ республикăра коронавирус енĕпе лару-тăру кăткăс пулнине палăртнă. Кунсерен чирлĕ 80 çынна тупса палăртаççĕ. Больницăсенчи койкăсен 30 ытла процентне коронавирусран сиплев тĕлĕшпе усă кураççĕ. Васкавлă пулăшăвăн больници тепĕр хут ковид-госпиталь пек ĕçлеме пуçланă. Стационарсенче сипленекен 2900 ытла çынран 95 проценчĕ прививка туман. Республикăра вакцина çителĕклĕ, анчах та халăх унпа усă курма васкамасть. Вакцинаци туни çак хăрушă чиртен сыхланмалли пĕртен-пĕр çул пулнине ăнланмаççĕ-ха. Тÿрĕ лини вăхăтĕнче çынсен ыйтăвĕсене хуравланă май Олег Николаев «Чăваш Республикин территорийĕнче халăхăн санитарипе эпидемиологи ăнăçлăхне сыхламалли мерăсем çинчен» Указне улшăнусем

Çанталăк çумăрлă тăни çĕр ĕçченĕсене уй-хир ĕçĕсене пуçтарма чылай чăрмантарать. Юлашки эрнере пĕрлешÿллĕ хуçалăхсем тĕпрен илсен çĕртме тунă çĕрте ĕçленĕ. Сентябрĕн 23-мĕшĕ тĕлне 8019 гектар сухаланă. Çак ĕçе пур хуçалăхра та тенĕ пекех пуçăннă. Районĕпе 541 гектар çĕрулми, 9 гектар кишĕр кăларни паллă. Çанталăк улшăнсанах уй-хир ĕçĕсем малалла пырĕç.  

Нумаях пулмасть аслă ăрури çынсем «Спортивное долголетие» спартакиадăн наградисемшĕн тупăшнă. «Хастар» ФСКра иртнĕ ăмăртусене республикăри 16 муниципалитет спортсменĕсем хутшăннă. Çак йышра районти спорт ветеранĕсем те пулнă. 200 метр чупса Кĕçĕн Çĕрпÿелĕнчи вăтам шкул вĕрентекенĕ Р.В.Сапожникова иккĕмĕш вырăн йышăннă. Хутăш эстафетăра Валерий Федорович Волков, Анатолий Клементьевич Давыдов, Владимир Михайлович Гаврилов, Татьяна Ивановна Волкова, Галина Михайловна Гаврилова, Тамара Анатольевна Перепелкина, Раиса Витальевна Сапожникова район чысне хÿтĕленĕ. Вĕсем хĕрÿ тупăшра 3-мĕш вырăн çĕнсе илнĕ. Çырава хутшăнмалла Пĕлетпĕр ĕнтĕ, кăçалхи октябрĕн 15-мĕшĕнчен пуçласа ноябрĕн 14-мĕшĕччен Раççейре халăх çыравĕ иртет. Унта виçĕ майпа хутшăнма пулать. Октябрĕн 15-мĕшĕнчен ноябрĕн 8-мĕшĕчч