Общество

Аслă Отечественнăй вăрçă Çĕнтерÿпе вĕçленнĕренпе кĕçех 75 çул çитет. Вăрçă вăхăтĕнче ачасем нумай терт-нуша, асап тÿснĕ. Вĕсене питĕ йывăр килнĕ. Вăрçă ачисенчен пĕри — Йÿç Шăхаль ялĕнче пурăнакан Ольга Архипова. Ольга Патăрьел районĕнчи Кĕçĕн Арапуç ялĕнче çут тĕнчене килнĕ. Ялти çичĕ класлă шкултан вĕренсе тухсан вăл "Герой" колхозра ĕçлеме пуçланă. Вăрçă ачисене мăн çынсемпе танах ĕçе явăçтарнă. Вăйпитти арçынсене пурне те вăрçă хирне ăсатнă, ялти ĕçсем хĕрарăмсемпе ачасем çине тиенсе юлнă. Çитĕнсе çитсен хĕре Йÿç Шăхаль каччи Якур качча илнĕ. Çамрăк кин килте ĕçсĕр ларма юратман. Вăл вăхăтра колхозсем хăмла çитĕнтернĕ. Ольга та хăмла пахчинче каçалăк илсе кун каçиччен хирте ĕçленĕ. Çамрăк мăшăр çĕнĕ пÿрт-çурт хăпартнă, ытти хуралтăсем çавăрнă. Вăхăт иртнĕ май Егор Васильевичпа Ольга

Пĕтĕм Раççейри "Симĕс Раççей" субботникпе килĕшÿллĕн Шупашкарти Берендей вăрманĕнче çутçанталăка упрас енĕпе ятарлă акци ирттернĕ. ЧР Çутçанталăк ресурсĕсен тата экологи министерстви, Шупашкарти экологи управленийĕ, регионти "Симĕс хула" экологи организацийĕ, "Раççей географи обществин" Чăваш Республикин уйрăмĕ, Чăваш патшалăх ял хуçалăх академийĕ тата И.Н.Ульянов ячĕллĕ ЧПУн волонтер центрĕ сентябрĕн 21-мĕшĕнче Берендей вăрманĕн территорине çÿп-çапран тасатассине йĕркеленĕ. 140 ытла çын çак мероприятие хутшăннă. "Акци тавралăха упрас тата халăхăн экологи культурине пысăклатас тĕллевлĕ. Пурте пĕрле пуçтарăнса вăй хурсан тĕллевсене пурнăçлама пулатех", — палăртнă ЧР çутçанталăк ресурсĕсен тата экологи министрĕн тивĕçĕсене вăхăтлăх пурнăçлакан Николай Косулин. Каласа хăварар: субботнике ту

Сентябрĕн 21-мĕшĕнче районта "Наци кросĕ — 2019" чупу çав тери анлă иртрĕ. Çак кун, тĕрĕссипе каласан, Пĕтĕм Раççей чупнă, спорт ăмăртăвĕсенче тупăшнă. Асăннă чупу пирĕн район çыннисене те пĕрле пухрĕ. Комсомольскинче тата ялсенче пурăнакансем район центрĕнчи тĕп лапама чылайăн пуçтарăнчĕç: пĕрисем ăмăртрĕç, теприсем вĕсене хавхалантарчĕç. Чупăва тухиччен вара пурте пĕрле зарядка туса кăмăла çĕклерĕмĕр. Пĕрлехи зарядкăна çулсеренех районти фитнес-аэробика федерацийĕн воспитанникĕсем йĕркелеççĕ /тренерĕ Мария Долгова/. "Наци кросĕ" чупăва район пуçлăхĕ Хасиятулла Идиатуллин, район администрацийĕн пуçлăхĕ Александр Осипов уçрĕç. — Наци кросĕ вăл — спорт мероприятийĕ кăна мар, çав вăхăтрах социаллă пĕлтерĕшлĕ пулăм та. Массăллă чупăва спорта кăмăллакансемпе пĕрле профессионалсем, спорт вет

Чăваш Республикин Пуçлăхĕ Михаил Игнатьев Раççей Федерацийĕн Çутçанталăк ресурсĕсемпе экологи министерствин анлă ларăвне хутшăннă. Тĕпрен илсен, унта калаçу "Экологи" наци проекчĕ тавра пынă. Чăваш Наци телекуравĕн журналисчĕсен ыйтăвĕсене хуравланă май, Раççей Федерацийĕн çутçанталăк ресурсĕсемпе экологи министрĕ Дмитрий Кобылкин "Экологи" наци проекчĕ Чăваш Енре питĕ лайăх пурнăçланса пынине палăртнă. РФ ытти субъекчĕсемшĕн республика паха тĕслĕх вырăнĕнче тесе палăртнă. "Ку ĕçре уйрăмах Чăваш Республикин Пуçлăхĕн витĕмĕ пысăк. Енчен те вăл тимлĕх уйăрман пулсан, пысăк çитĕнÿсемпе палăрма май та çук пулĕччĕ. Наци проекчĕ пурнăçа кĕни куçкĕретех. Сирĕн малтан та ку енĕпе лару-тăру начар мар пулнă. Экологи тĕлĕшĕнчен пысăк ĕçсем йĕркелесе ирттернĕ. Паянхи кун чăнласах та Чăваш Ен малта п

Спортпа туслă пулни сывлăха çирĕплетет, ÿт-пĕве пиçĕхтерет, кăмăл-туйăма хăпартлантарать. Ачаран спорта юратса, сывă пурнăç йĕркине пăхăнса ÿсекенсенчен чылайăшĕ кайран та, нумай çул иртсен те, спортсăр пурăнаймасть. Спорт вĕсемшĕн сывлăш пекех кирлĕ. Шăпах çакăн пек çынсенчен пĕри — Комсомольскинче пурăнакан Александр Горбунов. Çак кунсенче вăл 80 çул тултарса юбилей кĕрекине ларчĕ. Çулĕ сахал мар пулсан та, Александр Михайлович халĕ те спорта чунтан парăннă. Кашни кунах вăл ирпе ирех физзарядка тăвать, велосипед çине ларса çухрăм хыççăн çухрăм парăнтарать. Александр Пăрачкав районĕнчи Сыреç ялĕнче çуралса ÿснĕ. Ялта 7 класлă шкул çеç пулнă. Ăна ăнăçлăн вĕренсе пĕтернĕ хыççăн пĕлÿ патне туртăнакан ача Улатăр районĕнче малалла ăс пухма шутланă. Чылай аякра вырнаçнă пĕлÿ çуртне вăл ăшă çан