Четверг, Октябрь 1

Образование

Ачасен çывăх тусĕ – воспитатель

Ачасен çывăх тусĕ – воспитатель

Сентябрĕн 27-мĕшĕнче воспитательсем тата шкулчченхи вĕренÿ ĕçченĕсем профессиллĕ уявне паллă тăваççĕ. Тин çеç пурнăç çулĕпе утма пуçланă пепкесене ача садĕнче ăшшăн кĕтсе илеççĕ, тивĕçлĕ воспитани параççĕ. Ачасене пĕр-пĕринпе килĕштерсе выляма, тĕрлĕ ĕçе пĕрле пурнăçлама та воспитательсем пуçласа хăнăхтараççĕ, обществăра хăйсене тытма вĕрентеççĕ. Çак ĕçре чăннипех те ачасене чун-чĕререн юратакан çынсем çеç тăрăшма пултараççĕ. Вĕсенчен пĕри —«Пучах» ача садĕнче 22 çул ытла тăрăшакан Наталия Пантелеймоновна Долгова. Наталия Пантелеймоновна ача садне кашни кунах тулли кăмăлпа утать. Ачасене яланах хаваслăн кĕтсе илет, йĕрекенсен кăмăлне самантрах çавăрса ярать. Пĕчĕкскерсемпе яланах пĕр чĕлхе çăмăллăнах тупать. Ахальтен мар вăл ĕçлекен ушкăнри пепкесем ача садне савăнса çÿреççĕ. «Пучах» ач
Илемлĕ тавралăхшăн

Илемлĕ тавралăхшăн

Тăван тавралăх илемлĕ те хăтлă пулсассăн епле аван. Уçăлса çÿреме те, вăрмана кăмпана, çырлана, юханшыв хĕррине пулла кайма та кăмăллăрах. Çапла вĕт; Чылай чухне кирлĕ-кирлĕ мар пăрахнине асăрхатăн та еплерех кăмăл хуçăлать. Çÿп-çап урамра та, çырансем хĕрринче те, вăрманта та чылай. Ăçта кăна ывăтмаççĕ-ши ăна? Пăрахакансем нумай, пуçтаракан вара сахал. Мĕншĕн-ши çын тав тери çутçанталăка варалама пуçларĕ? Кун пирки мĕн чухлĕ калаçаççĕ, çыраççĕ... Усси çавах сахал. Хăшĕсем çеç кирлĕ мар çÿп-çапа пуçтарма ÿркенмеççĕ. Акă, Çĕнĕ Мăрат вăтам шкулĕнче вĕренекенсенех илер. Маттурскерсем çак кунсенче 120 килограмм ытла кирлĕ мар япала пухнă. Экоушкăн членĕсем йăмăкĕсемпе, аппăшĕсемпе, шăллĕсемпе пĕрле хăйсем пурăнакан урама тирпейлĕх кÿнĕ. Вутланта пурăнакан Настя Сергеева 2 михĕ ытла çÿп-çап пух
«Ÿсĕм вырăнĕ» çитĕнÿсем тума пулăшĕ

«Ÿсĕм вырăнĕ» çитĕнÿсем тума пулăшĕ

«Шкулта вĕреннĕ вăхăт кашни çыннăн пурнăçĕнче пысăк вырăн йышăнать. Шăпах кунта ача вулама-çырма вĕренет, пĕлÿ тĕнчинче пĕрремĕш утăмсем тăвать, çитĕнсе çитсе анлă пурнăç çулĕ çине тухма хатĕрленет. Шкулта ăс пухнă вăхăтрах тĕрлĕ енлĕ хушма пĕлÿ илме, пултарулăха аталантарма пултарни мĕн тери паха пулнине палăртрĕç Комсомольски 1-мĕш вăтам шкулне Цифра тата гуманитари профилĕллĕ "Ÿсĕм вырăнĕ" центра уçма пуçтарăннисем. Пĕлтĕр çакăн пек центрсем Комсомольски 2-мĕш тата Урмаел вăтам шкулĕсенче уçăлнăччĕ. Вĕсем ачасемшĕн питĕ усăллă пулнине, вĕренĕве кăсăклă, çĕнĕ йышши технологисемпе усă курса йĕркелеме май панине кăтартса пачĕç. Кăçал вара Комсомольски 1-мĕш вăтам шкулĕнче те çакăн пек центр уçăлнине вĕрентекенсемпе вĕренекенсем хапăлласах йышăнчĕç. Савăнăçлă мероприятие район администрац
Лайăх вĕрентĕр тесен

Лайăх вĕрентĕр тесен

Кашни ашшĕ-амăшĕ ачисем лайăх вĕренсен, тăрăшуллă та активлă пулсан, паллах, савăнать. Анчах та шкула кайма пуçласан пурин те йывăрлăхсем сиксе тухаççĕ. Пĕрисем вĕсене çăмăллăнах парăнтараççĕ, теприсен вара чăрмавсем пулаççех. Çавăнпа та ашшĕ-амăшĕн питĕ чăтăмлă пулмалла. Ача шкула кайма хатĕррине кăтартакан тĕп паллă — вăл тĕрĕс, лайăх калаçни. Çуралсанах ача тĕрлĕ сасăсене илтет, вĕсене уйăрма хăнăхать. Майĕпен вăл аслисен калаçăвне ăнланма пуçлать, хăй те уйрăм сăмахсем калама пикенет. Пепкен калаçăвне аталантарма кĕске сăвăсем, юрăсем пулăшаççĕ. Вĕсем тĕрлĕ сасăсене евĕрлеме хавхалантараççĕ. Унсăр пуçне пĕр сасăсене, пĕр сăмахсене темиçе хутчен калани сасăсен ăнкарăвне аталантарать, сăмахсемпе сăмах çаврăнăшĕсене ас туса юлма пулăшать. Çавăнпа та пепкене çывăрттарнă чухне юрăсем юрлам
Чи кĕтнĕ уяв – Пĕрремĕш шăнкăрав

Чи кĕтнĕ уяв – Пĕрремĕш шăнкăрав

Сентябрĕн 1-мĕшне кашни çулах ачасем те, ашшĕ-амăшĕсем те чăтăмсăррăн кĕтеççĕ, чылай малтан илемлĕ шкул форми, тетрадь-ручкăсем туянса хураççĕ, ирпе ирех вĕрентекенсем валли хÿхĕм чечек çыххисем хатĕрлеççĕ. Коронавирус пандемине пула иртнĕ вĕренÿ çулне дистанци мелĕпе вĕçлеме тиврĕ. Çавăнпах кăçалхи Пĕлÿ кунĕ тата та ытларах кĕтнĕ уяв пулчĕ. Пĕрле вĕренекенсемшĕн, юратнă вĕрентекенсемшĕн, шкул парттисемпе уроксемшĕн пурте тунсăхласа çитнĕ-çке. Чир сарăласран сыхланас тĕллевпе кăçалхи уяв линейкисене ытти çулсенчисенчен урăхла ирттерме йышăннă. Унта пĕрремĕш хут парта хушшине ларакансем тата юлашки çул шкул сукмакне такăрлатакансем çеç хутшăнчĕç. Ытти классенче ăс пухакансемшĕн вара уяв класра иртрĕ. Комсомольски 1-мĕш вăтам шкулĕнче кăçал 58 ача пĕрремĕш хут шкул алăкне уçса кĕрет. Уяв л
Умра — çĕнĕ вĕренÿ çулĕ

Умра — çĕнĕ вĕренÿ çулĕ

Çĕнĕ вĕренÿ çулĕ пуçланиччен шутлă кунсем юлчĕç. Уйрăмах пĕлÿ çурчĕн алăкне пĕрремĕш хут уçса кĕрекенсем çак куна тахçанах кĕтнĕ ĕнтĕ. Çĕнĕ шкул форми тăхăнма, илемлĕ чечек çыххи тытса шкул урати урлă каçма, юлташсемпе тĕл пулма вăхăт çитрĕ те. Анчах та кăçалхи вĕренÿ çулĕ ытти çулсенчен уйрăлса тăрĕ. "2020—2021 вĕренÿ çулĕнче районти шкулсенче 2694 вĕренекен парта хушшине ларĕç, вĕсенчен 257-шĕ пĕрремĕш класа килмелле. Коронавирус инфекцийĕ сарăлас хăрушлăха сирес тĕллевпе вĕренÿ процесне йĕркелеме Роспотребнадзор сĕннĕ çĕнĕ санитари правилисене пур вĕренÿ организацийĕсенче те пăхăнма тивĕç. Çавна май сентябрĕн 1-мĕшне, Пĕлÿ кунне, шкулсенче епле йĕркелессине шкул директорĕсем палăртаççĕ. Маска режимĕ учительсемпе шкул ĕçченĕсемшĕн тата ашшĕ-амăшĕсемшĕн çирĕп пулĕ", — пĕлтерчĕ район адми
Шкул автобусĕсем вĕренÿ çулне хатĕр

Шкул автобусĕсем вĕренÿ çулне хатĕр

Августăн 21-мĕшĕнче районти ачасене турттаракан шкул автобусĕсем техника тĕрĕслевĕ витĕр тухрĕç. Кăçал районти 44 ялти 651 вĕренекене 14 шкул автобусĕ турттарĕ. Ачасене хăрушсăрлăх йĕркине пăхăнса турттарасси, кирлĕ документсем пурри тата техника юсавлăхĕ тĕрĕслевре тĕп вырăн йышăнчĕç. Кашни автобус патнех социаллă педагог çирĕплетнĕ, вĕренекенсем ятарлă инструктаж илеççĕ. Ачасене автобус çинчи ĕç стажĕ виçĕ çултан кая мар опытлă водительсем турттараççĕ. Вĕсемпе ДОСААФ-ăн районти пайĕнче çулленхи хатĕрленĕве ирттернĕ. Çавăн пекех водительсем рейса тухиччен те, хыççăн та медицина тĕрĕслевĕ витĕр тухассине йĕркеленĕ. Н.КАЛАШНИКОВА хатĕрленĕ.  
Шкулсем ĕçлеме хатĕр

Шкулсем ĕçлеме хатĕр

Сентябрĕн 1-мĕшĕччен шутлă кунсем юлчĕç. Ашшĕ-амăшне кăсăклантаракан ыйтусем çине Чăваш Республикин вĕренÿпе çамрăксен политикин министрĕ Сергей Яковлев хуравлать. — Сергей Петрович, сентябрĕн 1-мĕшĕнчен пире мĕн кĕтет: классенчи уроксем-и е мĕн те пулсан урăххи-и? — Вĕренÿ тытăмĕшĕн Пĕлÿ кунĕ яланах уяв, кăçал та вăл çавăн пек пулмалла. Анчах та çак уяв çĕршыври чарусене тата Роспотребнадзор çирĕплетнĕ хушусене шута илсе иртмелле. — Уроксем мĕнле иртĕç? Роспотребнадзор хушăвĕсем питĕ çирĕп-çке. — Çапла, Роспотребнадзор требованийĕсене пăхăнса ĕçлемелле пулать. Шкулти ир ачасен ÿт температурине виçессипе пуçланĕ. Температура ÿснĕ вĕренекен шкулта пулсан кашни шкул хăй тĕллĕн йышăну тăвĕ. Ачасем аллисене дезинфекци тăвĕç, унтан тин классене кĕрĕç. Шкул ачисем классем тăрăх куçса çÿремĕç
Вĕри апатпа тивĕçтерĕç

Вĕри апатпа тивĕçтерĕç

2020 çулхи сентябрĕн 1-мĕшĕнчен пуçласа Чăваш Республикинчи шкулсенчи 1— 4-мĕш классенче вĕренекенсене кунне пĕр хутчен тÿлевсĕр вĕри апат çитерессине йĕркелеççĕ. Пуçламăш классенче вĕренекенсем валли ятарласа  тĕрлĕ усăллă блюдăсенчен икĕ эрнелĕх меню хатĕрлеççĕ. Кунта чи малтанах апат-çимĕç пахалăхĕ çине пысăк тимлĕх  уйăраççĕ. Шкул менюне хатĕрленĕ чухне çулталăк тапхăрне шута илеççĕ, çавăн пекех ачана йĕркеллĕ аталанса ÿсме кирлĕ талăкри  рационăн тутлăлăхне тĕпе хураççĕ. Блюдăсене технологи карттисемпе килĕшÿллĕн хатĕрлеççĕ. Унта тĕп апат-çимĕçе тата кулинари изделийĕсене янтăланин рецептне тата технологине ятарласа палăртаççĕ. Апат пахалăхне пĕтĕмĕшле вĕренÿ организацийĕн учредителĕ тата ашшĕ-амăшĕн комитечĕ тĕрĕслесе тăрĕç. Хыпарсене Н.КАЛАШНИКОВА хатĕрлен
Чăн-чăн профессионалсене ЧПУра хатĕрлеççĕ

Чăн-чăн профессионалсене ЧПУра хатĕрлеççĕ

Аслă вĕренÿ заведенийĕсене вĕренме кĕме документсем памалли вăхăт вĕçленсе пырать. Абитуриентсем мĕншĕн И.Н.Ульянов ячĕллĕ Чăваш патшалăх университетне суйлани çинчен пире вузăн ректорĕ Андрей Юрьевич Александров каласа пачĕ. — Андрей Юрьевич, Чăваш патшалăх университечĕ — Чăваш Енри чи пысăк вузсенчен пĕри. Паянхи кун шкулсенчен тата техникумсенчен вĕренсе тухакансене эсир мĕнле специальноçсем сĕнетĕр; — Пирĕн вузра 15 факультет, 110 вĕренÿ программи тата хушма вĕренĕвĕн 200 программи. Техника, гуманитари, çут çанталăк ăслăлăхĕсен тата творчество направленийĕсем студентсене кĕтеççĕ. ЧПУн йышăну комиссийĕн сайчĕ çинче (https://abiturient.chuvsu.ru/) кашни факультет тата специальноç çинчен информаци пур. — Панă заявленисен статистики мĕнлерех-ши; Вузра миçе бюджет вырăнĕ; —&n