Нумаях пулмасть Урмаел вӑтам шкулӗн никӗсӗ ҫинче округри технологи, ӳнер искусствин, музыка вӗрентекенӗсен фестивалӗ пулса иртрӗ. Унта 12 педагог хутшӑнчӗ, пурӗ 10 урокпа мастер-класс ирттерчӗ.
Фестиваль «Чи лайӑх уҫӑ урок», «Чи лайӑх мастер-класс» номинацисенчен тата ачасен творчество ӗҫӗсенчен тӑчӗ. Педагогсем пӗр вӑхӑтрах конкурса хутшӑнакансем те, пӗр-пӗрне хаклакансем те пулчӗҫ. Кашни вӗрентекенех уроксене хӑйнеевӗрлӗрех, ачасене интереслентермелле йӗркелеме тӑрӑшрӗ. Педагогсен урокӗсемпе мастер-класӗсене хакланӑ чухне вӗрентекенсем хӑйсен шухӑшӗсене палӑртрӗҫ.
Ҫакӑн пек мероприятисем йӗркелени педагогсен ӑсталӑхне ӳстерме пулӑшать, методика ӗҫне ҫӗнӗлӗхсем кӗртме хистет.
Е.Федотов,
Комсомольски 1-мӗш вӑтам шкулӗн вӗрентекенӗ.