Культура

Тĕрĕк тĕнчин йăла культурин халăхсем хушшинчи «Урмай залида — 2020» VIII фестивалĕ тăнăçлăх, музыка, туслăхпа ырлăх уявĕ пулса тăчĕ. Кăçал тутар культурин çулсерен иртекен уявне ТАССРа тата ЧАССРа туса хунăранпа 100 çул çитнине халалласа тата Чăваш Республикинчи тутарсен наципе культура автономийĕн никĕслевçи пулнă Ферит Гибатдинова асăнса йĕркеленĕ. Онлайн-фестивале Раççейĕн 20 ытла регионĕнче пурăнакан пине яхăн артист хутшăннă. Вĕсем хушшинче Чăваш Республикинчи наципе культура пĕрлешĕвĕсен пултарулăх коллективĕсем те пур. Артистсем Пушкăртстанри, Тутарстанри, Мари, Чăваш, Кабардин-Балкар Республикисенчи, Çурçĕр Осетинчи, Якутири, Чулхула тата Ульяновск облаçĕсенчи, Курган хулинчи тĕрĕк чĕлхиллĕ халăхсен наци культурине кăтартса панă. Нумайăшĕ тăван хулисенчен тухмасăрах хăйсен пултару

Кĕнеке, тетрадь е журнал кăлармалли çĕнĕ хут валли мĕн чухлĕ йывăç кирлĕ! Ахальтен мар кил-çуртра пухăнса кайнă кирлĕ мар хута макулатурăна парса çынсем вăрмансене çăлаççĕ. Пухса тирпейлесен вăл çĕнĕ хут туса кăларма каятех. Кивĕ макулатурăн çирĕп массинчен строительство материалĕсем те туса кăлараççех. Кирлĕ мар хута тепре усă курса эпир вăрмансене çăлса хăваратпăр. Пурте пĕлетпĕр вĕт, вăрман — кислородăн тĕп çăлкуçĕ. Çĕнĕ Мăрат вăтам шкулĕн ачисем çулсерен кирлĕ мар хут пухса йывăçсене çăлма тăрăшаççĕ. Ырă йăлана кăçал та пăрахас темен вĕсем. Кашни çулах ачасем хут-хăмăр пуçтарассипе лайăх ĕçлеççĕ. Çак кунсенче çут çанталăкăн çамрăк тусĕсем пурте пĕрле тата 1300 килограмм хаçат-журнал, тетрадь, хут пухса ăна тиесех ячĕç. Ку ĕçре пуринчен хастаррисем 5-мĕшсем пулчĕç. Вĕсем 300 килограма

«Кĕнеке — пĕлÿ çăлкуçĕ». Ахальтен мар ĕнтĕ каланă çак сăмахсене Петĕр Хусанкай. Чăннипех те, кĕнекесĕр пĕлÿ илме май çук. Мĕнле вăйлă технологисен вăхăтĕнче те кĕнеке хăйĕн ятне-сумне çухатмасть. Кĕнекене алăран вĕçертмен çын ăс-тăнран пуян та çирĕп пулать. Вулаканăм, эсĕ тĕпренчĕкне кĕнеке юратма вĕрентетĕн-и? Каннă вăхăтра юмах тĕнчине путатăр-и; Е аллунта телефон тытса çывăрса каятăн? Апла-и, капла-и, кĕнеке патне вара сукмак хывасах пулать. Мĕншĕн тесен кĕнеке — этемĕн чи хаклă пуянлăхĕ. 20—30 çул каялла кăна çынсем кĕнеке вулассишĕн çунатчĕç. Пĕр-пĕр интереслĕ кĕнеке пулсан вара алран-алла кайнă. Кĕнекери пулăма пĕр-пĕринпе сÿтсе явнă, калаçнă. Кĕнеке пĕр-пĕринпе пĕрлештернĕ, туслăха çирĕплетнĕ. Самана улшăнса пынă май, çын шухăш-кăмăлĕ те улшăна пуçларĕ. Кĕнекепе çыхăну çухалчĕ. Ал

Октябрĕн 23-мĕшĕнче чăвашсене çутта кăларакан сумлă та чаплă педагог Иван Яковлев /1848—1930/ пурнăçран уйрăлса кайнăранпа шăпах 90 çул çитрĕ. Çавна май Иван Яковлевăн Шупашкарти палăкĕ умĕнче Астăвăм сехечĕ иртнĕ. Мероприятие Чăваш Республикин Пуçлăхĕ Олег Николаев та хутшăннă. «Эпир Яковлев умĕнче пуçăмăра таятпăр, ĕçне-хĕлне малалла туса пыратпăр. Çакна çирĕплетекен тĕслĕх — кăçал çулла йышăннă «Чăваш чĕлхине упраса аталантарасси» çумпрограмма. Чăваш тĕррин кунне çирĕплетрĕмĕр. Кăçалхи ноябрĕн 26-мĕшĕнче ăна пĕрремĕш хут паллă тăвăпăр. Çак кунсенче тата Шупашкарта чăваш чĕлхине упраса хăварас ыйтупа регионсен хушшинчи конференци ĕçлерĕ. Тăван чĕлхен шăпи, пуласлăхĕ пирĕнтен хамăртан килет. Иван Яковлевăн халалне манăçа кăларас марччĕ», — тенĕ Олег Алексеевич.  

Октябрĕн 29 — ноябрĕн 6-мĕшĕсенче Чăваш патшалăх оперăпа балет театрĕнче мультимеди куравĕ иртет. Ячĕ ансат, çапах та анлă — «Пурнăç». Ăна Тăван çĕршывăн Аслă вăрçинче çĕнтерÿ тунăранпа 75 çул çитнине, Сăр тата Хусан хÿтĕлев чиккисене тăвакансене халаллаççĕ. Çак курав Чăваш Республикин Пуçлăхĕ хăйĕн указĕпе çирĕплетнĕ Сăр тата Хусан хÿтĕлев чиккисенче вăй хунă çынсен ĕç паттăрлăхĕн çулталăкне халалланă мероприятисен циклне уçать. Мультимеди куравĕн уйрăм пайĕ вăрçă вăхăтĕнче чăваш çыннисен тылри паттăрлăхне кăтартса парать. Вăйлă эффектсем çынна хăйне хÿтĕлев чиккинче туйма та май параççĕ. Октябрĕн 29—30-мĕшĕсенче тата ноябрĕн 2—6-мĕшĕсенче курав шкул ачисем валли ĕçлет, ытти кунсенче унта республикăра пурăнакан кашни çын пырса курма пултарать. Курав тÿлевсĕрех. Роспотребнадзор сĕнĕвĕсе