Публикации

Çирĕп те туслă çемье обществăн тĕрекĕ. Килĕштерсе пурăнакан мăшăрсем ачисене тивĕçлĕ воспитани парса ÿстереççĕ, çĕршывшăн кирлĕ çынсем çитĕнтереççĕ. Çавăнпа та ЗАГС органĕсенче ĕçлекенсем çемье пĕлтерĕшне ÿстерес тĕлĕшпе тĕрлĕ ĕçсем пурнăçлаççĕ. Савăнăçлă лару-тăрура çĕнĕ çемье çуралнине регистрациленипе пĕрлех 50 е ытларах çул алла-аллăн килĕштерсе пурăнакан мăшăрсене юбилейсемпе чысласси те йăлана кĕнĕ. Чăваш енти ЗАГС органĕсем пуçтарса хатĕрленĕ кăтартусем тăрăх кăçал 528 мăшăр «ылтăн» /50 çул пĕрле пурăннине/ паллă тăвать. Çак йышран 33 мăшăр пирĕн районта пурăнать. Хырай Ĕнелĕнчи Башкировсем, Дьяконовсем, Çĕнĕ Сĕнтĕрти Зайцевсем, Элпуçĕнчи Сметанинсем, Хирти Выçлинчи Розовсемпе Зайцевсем, Комсомольскинчи Мельниковсем, Ишмуратовсем, Букрееевсем 5 теçетке килĕштерсе пурăнаççĕ. Никитинс

Февралĕн 22-мĕшĕнче, ытларикун, Республика Пуçлăхĕ Олег Николаев районта ĕçлĕ визитпа пулнă май Комсомольски районĕн хисеплĕ гражданинне, нумаях пулмасть 100 çулхи юбилейне паллă тунă, Аслă Отечественнăй вăрçă участникне Ревокат Прохорович Моисеева юбилейпе саламланă. «Сирĕн пурнăç, паттăрлăх — пирĕншĕн тĕслĕх», — тенĕ Олег Алексеевич ветерана тав туса. Унăн çар паттăрлăхĕпе хăпартланнипе пĕрлех мирлĕ вăхăтра республика аталанăвĕшĕн ветеран чылай тăрăшнине те палăртнă республика Пуçлăхĕ. Ревокат Прохорович хаклă хăнана фронтран янă çырăвĕсемпе, хаçат-журналта пичетленнĕ статйисемпе, пултарулăхшăн тивĕçнĕ Дипломсемпе, Хисеп грамотисемпе паллаштарнă, вăхăт çитерсе килнĕшĕн чĕререн тав тунă. /ХАМĂР ИНФ./.  

Вăл Тинĕс-Çар флотĕнчен служба ирттерсе таврăннăранпа кăçал 55 çул çитет. Унтанпа вăхăт чылай иртнĕ пулин те Комсомольски ялĕнче пурăнакан Василий Васильевич Гаврилов куçĕ умĕнчен çав тапхăр çухалмасть. «Çар служби кашни çамрăках пурнăç урокĕ парать. Вăл дисциплинăна пăхăнма, юлташлăх, чыслăх туйăмĕсене вăйлатма, çĕршывăн чăн-чăн сыхлавçи пек туйма вĕрентет. Хам çар тивĕçне чыслăн пурнăçланăшăн яланах хăпартланнă, халĕ те çакă манра мăнаçлăх туйăмĕ хускатать», — тет вăл тепĕр чухне, çар пирки калаçу пуçлансан. Хирти Мăнтăр çамрăкĕ сакăр класс пĕтерсенех, 1962 çулта Мари АССРĕнчи Звениговăри юханшыв училищине вĕренме кĕрет. Профессипе çырăннă ăсталăхпа пĕрлех вăтам пĕлÿ те илет. 1963 çулхи навигаци вăхăтĕнче вăл «Кольский» пăрахут çинче рулевой-практикант пулса пысăк юханшыв çине тухать. В

Районта кирлĕ япала тупса илме ансат. Лавккасемпе суту-илÿ çурчĕсенче темĕн тĕрлĕ тавар çителĕклех. Чылайăшĕ райпо магазинĕсенче туянма кăмăллать. Вăл çулран-çул аталанса пыни те куç кĕрет. Суту-илÿ точкисене паянхи пурнăç ыйтăвĕсене тивĕçтермелле реконструкцилеççĕ. Тавар ассортименчĕ пуян, суйлама, туянма çав тери меллĕ. Хуларинчен пĕрре те кая мар. Пурнăçпа тан утаççĕ, тавар туянакансен ыйтăвĕсене туллин тивĕçтереççĕ. Çакна ÿсĕмсемпе çитĕнÿсем çирĕплетеççĕ. Февралĕн 18-мĕшĕнче пайщиксен пухăвĕнче шăпах 2021 çулта пурнăçланă ĕç-хĕле тата кăçал пурнăçлама палăртнă плансене сÿтсе яврĕç. Райпо Совечĕн председателĕ Светлана Грачева пĕлтернĕ тăрăх, 2021 çула пĕтĕмĕшле аван кăтартупа вĕçленĕ. Палăртнă плансене пурнăçланă, магазинсене çĕнетнĕ, юсав ĕçĕсем тунă. Пĕлтĕр пĕтĕм тĕрлĕ ĕç кăтартăвĕ 8,