Хĕллехи сивĕ кунсене хĕвел ăшшипе хăваласа çуркунне çитрĕ. Çавна май çутçанталăк ытамĕнче канас текенсем те, ытти çулсенчи пекех, çитес вăхăтра нумайланĕç. Анчах та асра тытмалла: шăпах çак тапхăрта «хĕрлĕ автан» алхасас хăрушлăх ӳсет. Вут-çулăм пĕрре хыпса илсен никама та шеллемест% вăрман пурлăхне кĕллентерет, чĕрчунсен пурнăçне татать, çын сывлăхне шар кăтартать. Çавăнпа та пушар хăрушсăрлăхĕн правилисене çирĕп пăхăнмалла.
Вăрманта çӳренĕ чухне пирус туртма юрамасть. Сӳнтермен пирус тĕпĕсем — инкек сăлтавĕ. Çавăн пекех вăрман уçланкисенче пушă кĕленчесем е урăх ăпăр-тапăр пăрахса ан хăварăр. Бензинпа, краççынпа тата ытти çунтармалли-сĕрмелли япаласемпе йĕпеннĕ çĕтĕксене пăрахса хăварни те ырă патне илсе çитермест. Çутçанталăк пурлăхне пĕрле упрар.
Э.Павлов,
Комсомольски вăрман
участокĕн лесничийĕ.