Кашни çулах ноябрь уйăхĕнче Пĕтĕм Раççейри ачасен право пулăшăвĕн кунĕ иртет.
Кăçал вăл ноябрĕн 19-мĕшĕнче пулать. Ăна тăлăхсене, пурнăçри йывăр лару-тăрăва лекнĕ ачасене, инвалид-ачасене тата вĕсен ашшĕ-амăшне право пулăшăвĕпе тивĕçтерес, граждансене тÿлевсĕрех юридици пулăшăвĕ илме май пулни çинчен аса илтерес тĕллевпе йĕркелеççĕ.
Чăваш Енре çак кун тĕрлĕ мероприятисем иртеççĕ: право сыхлавĕн тытăмĕнче тăрăшакансемпе калаçусем, ачасемпе тата ашшĕ-амăшĕпе çавра сĕтелсем, право ыйтăвĕсемпе консультацисем, семинарсем, право калаçăвĕсем тата ытти те.