Пенси çулне çитсе пыракансем регионти «Аслă ăру» проектпа килĕшÿллĕн районти ĕçпе тивĕçтерекен центр урлă професси пĕлĕвĕ илме тата хушма профессие вĕренме пултараççĕ. Çакă вĕсене çĕнĕ технологисемпе, хатĕр-хĕтĕрпе, программăсемпе ĕçлеме, квалификаци разрячĕ е категорийĕ илме, малтанхи вырăнтах малалла ĕçлеме е çĕнĕ ĕç тупма май парать.
Çак мелпе халĕ ĕçлекен е ĕçпе тивĕçтерекен органа ĕç шыраса пынă пенси çулне çывхарса пыракан граждансем усă курма пултараççĕ. Вĕренÿ вăтамран 3 уйăх тăсăлать. Ĕçсĕр граждансене вĕреннĕ вăхăтра 11280 тенкĕпе танлашакан стипенди тÿлеççĕ.
Çакăн пек мелпе профессие вĕренес текенсем районти ĕçпе тивĕçтерекен центра пырса маларах çырăнма пултараççĕ. Тĕплĕнрех çак адреспа пĕлме пулать: Комсомольски ялĕ, Завод урамĕ, 29-мĕш çурт, 2-мĕш кабинет, телефонсем: 8/83539/5-13-79, 8-960-311-93-14.
Е.ЖУКОВА.