Ĕçсĕррисем – камсем вĕсем?
Ĕçсĕррисен шутне палăртас тесе статистика органĕсем Пĕтĕм тĕнчери ĕç организацийĕ сĕнекен методологи тăрăх кашни уйăхра ĕçсĕрлĕхпе çыхăннă ыйтусем тăрăх халăх хушшинче ыйтăмсем ирттереççĕ. Ĕçсĕрлĕх шайне тупма палăртнă ÿсĕмри ĕçсĕррисен шутне ĕçлекенсен шучĕ çине пайлаççĕ. Ку ыйтăма 15—72 çулсенчи çынсем хушшинче ирттереççĕ.
Пĕтĕм тĕнчери ĕç организацийĕ палăртнă тăрăх, ĕçлĕ çынсем шутне çаксем кĕреççĕ:
— килĕшÿ тăрăх эрнере пĕр сехет те пулин ĕçлекенсем /куншăн вĕсене укçан е таварпа тÿлеççĕ/;
— хăйсен предприятийĕнче е тăванĕсем патĕнче ĕçлекенсем /çав шутра килĕшÿ çырмасăр ĕçлекенсем те/, ĕç паракансем, хăйсем тĕллĕн ĕçлекенсем, производство кооперативĕсен членĕсем, çемье предприятийĕсенче пулăшакансем;
— килти хуçалăхра сутас е ылмаштарса илес тĕллевпе ял хуçалăх, вăрман продукцине