Январӗн 24-мӗшӗнче Комсомольскинчи «Кӗтне» физкультурӑпа спорт комплексӗнче сӗтелҫи теннисӗпе муниципаллӑ депутатсен республика спартакиадин округсем хушшинчи тапхӑрӗ иртнӗ.
Унта Елчӗк, Тӑвай, Патӑрьел, Шӑмӑршӑ, Йӗпреҫ тата Комсомольски округӗсен представителӗсем хутшӑнса вӑй виҫнӗ.
Хӗрӳ вӑйӑсенче Тӑвай округӗн команди ҫӗнтерӳҫӗ пулса тӑнӑ. Иккӗмӗш вырӑнта — Шӑмӑршӑсем. Елчӗк округӗн команди виҫҫӗмӗш вырӑна тивӗҫнӗ.