Паянхи кун пирӗн пурнӑҫра компьютер, кӗсье телефонӗсем пысӑк вырӑн
йышӑнаҫҫӗ. Вӗсемпе усӑ курса килтен тухмасӑрах тӗрлӗ ӗҫ пурнӑҫлама пулать. Аслӑрах ӳсӗмрисемшӗн вӗсемпе пӗлсе усӑ курма ҫӑмӑл мар. Ҫакна шута илсе Кӗҫӗн Каҫалти ял библиотекинче ял ҫыннисемпе тӗрлӗ мероприятисем ирттерме тӑрӑшаҫҫӗ.
Нумаях пулмасть М.Ю.Петрова библиотекарь аслӑрах ӳсӗмрисемпе «Патшалӑх пулӑшӑвӗ» («Госуслуги») порталпа усӑ курма хӑнӑхтарас тӗллевпе калаҫу ирттерчӗ.