Ҫак кунсенче округ пуҫлӑхӗ Николай Раськин «Луч» ял хуҫалӑх производство кооперативӗнче уй-хир ӗҫӗсем епле пурнӑҫланнипе кӑсӑкланнӑ. Ҫавна май Анатолий Семенов председательпе тӗл пулнӑ, уй-хире ҫитсе курнӑ.
Паянхи кун ял хуҫалӑх кооперативӗнче выльӑх-чӗрлӗх апачӗ хатӗрлес енӗпе ҫине тӑрса ӗҫлеҫҫӗ.
Хуҫалӑхра 100 гектар куккурус тата 330 гектар нумай ҫул ӳсекен курӑк акнӑ, 120 гектар хӗвелҫаврӑнӑш ҫитӗнет. Ҫаксем выльӑх-чӗрлӗх валли хатӗрлемелли чи паха культурӑсем.
Хуҫалӑхра паянхи кун хӗрӳ ӗҫ вӑхӑчӗ, кунта ӗнесене сумалли зала хута яма хатӗрлеҫҫӗ. Строительство ӗҫӗсене пикеннӗ те ӗнтӗ. Хуҫалӑхра сӑвакан ӗнесем 135 пуҫ.