Нумаях пулмасть «Кӗмӗл ӳсӗм» хутшӑну центрне Комсомольски 2-мӗш вӑтам шкулӗнче 1-мӗш «б» класра вӗренекенсем ҫитсе курнӑ.
Аслӑ ӑру ҫыннисем вӗсене хӑйсен ачалӑхӗ, центрӑн ӗҫӗ-хӗлӗ, муниципаллӑ округра пурӑнакансем ҫӗнтерӗве мӗнле ҫывхартма пулӑшни ҫинчен каласа панӑ. Ачасем центрӑн активисчӗсемпе пӗрле маскировка сеткисем ҫыхнӑ. ,ҫ вӑхӑтӗнче вӗсем пурте пӗрле «Катюша», «Пусть всегда будет солнце» юрӑсене шӑрантарнӑ.
Ҫакӑн пек мероприятисем ӑрусем хушшинчи ҫыхӑнӑва ҫирӗплетнине, аслисене хисеплеме вӗрентнине, ачасене общество пурнӑҫне активлӑн хутшӑнма хавхалантарнине палӑртмалла.
Надежда ЮМАНОВА.