Сентябрӗн 5-мӗшӗнче Комсомольскинчи культура ҫуртӗнче донор кунӗ иртнӗ.
Юн парас текенсем ҫак кун кунта йышлӑн ҫитнӗ. Вӗсен хушшинче ҫамрӑксем те, аслӑрах ӳсӗмрисем те пулнӑ. Тӗрлӗ предприятисемпе организацисенче, учрежденисенче ӗҫлекенсем ҫак кун юн парса пархатарлӑ ӗҫ тунӑ. Вӗсен юнӗ аманнӑ, чирлӗ ҫынсене ура ҫине тӑратма пулӑшӗ. Округри донорсем хушшинче пӗрремӗш хут юн паракансем те, ҫак ӗҫе чылай ҫул хутшӑнакансем те пулнӑ.