Кӗркуннехи уйӑха кӗтӗмӗр. Ҫанталӑк та ҫакна систерет. Сивӗсем ҫывхарнӑ май халӑх грипп чирӗпе аптрама пуҫлать. Апла ан пултӑр тесен маларах вакцинаци туни пысӑк пӗлтерӗшлӗ.
РФ Социаллӑ фончӗн Клиент служби ҫумӗнчи аслӑ ӑрӑвӑн «Серебряный возраст» хутшӑну центрӗнчи калаҫу та прививка ыйтӑвӗпе пулнӑ. Тӗп больницӑн врач-инфекционисчӗ Н.Н.Михайлова «Вакцинация против инфекционных болезней. Приоритетная группа для вакцинации» темӑпа лекци ирттернӗ. Ҫавӑн пекех ватӑсене хумхантаракан чылай ыйту ҫине хуравланӑ. Кӑмӑл пуррисене грипп чирӗнчен прививкӑсем тунӑ.