Иртнĕ эрнере районти ял хуçалăх предриятийĕсен хирĕсенче ĕç шавĕ пуçланчĕ. Çĕр ĕçченĕсем нумай çул ӳсекен курăксене, кĕр тыррисене сӳрелеççĕ, апатлантараççĕ. Çак ĕçсем «Родина» фермер хуçалăхĕнче, «Слава», «Дружба» ЯХПК-сенче, «Сюрбеево» ООО-ра тата хăш-пĕр хуçалăхсенче вăй илсех пыраççĕ. Çанталăка кура ытти çĕрти техника та ĕçе пуçăнĕ. Çывăх кунсенчех çĕр хатĕрлесе акма та тухĕç.
«Слава картофелю» тата «Комсомольские овощи» агрофирмăсенче, «Рассвет» ЯХПК-ра пикенсех çĕрулмие яровизацилеме кăлараççĕ. Кĕçех ытти хуçалăхсен хирĕсем те машина-трактор сассисемпе тулĕç.
Р.Басников,
специалист-эксперт.