Чăваш автономине никĕсленĕренпе 100 çул çитнине тата Шупашкар хулин çуралнă кунне халалласа августăн 15-мĕшĕнче «Тарават Чăваш Ен» фестиваль иртнĕ.
Кунта республикăри тата Раççейĕн ытти регионĕсенчи апатлану предприятийĕсен ушкăнĕсем хăйсем хатĕрленĕ апат-çимĕçе илсе килнĕ. Шăрттан, хуплу, тултармăш, шаркку, хуран кукли, шÿрпе… мĕн-пур апата каласа пĕтерме те май çук. «Тарават Чăваш Ен» фестивале районти райпо маçтăрĕсем те хутшăннă. «Комбинат питания» ООО поварĕсем тутлă апат-çимĕç хатĕрлесе жюрисене тĕлĕнтернĕ.
Палăртса хăвармалла, çак фестивале тăратнă апат-çимĕçĕн рецепчĕсене пухса кĕнеке пичетлесшĕн.