Кăмăла çĕклекен юрă-кĕвĕпе, хăнасен савăк йăл куллипе, ачасен савăнăçлă çуйхашăвĕпе августăн 17-мĕшĕнче Шупашкар тĕп хулин 550 çулхи юбилейне халалланă меро-приятисем пуçланчĕç. Уявсем çак эрнере татах та палăрмалла иртеççĕ. Акă, августăн 24-мĕшĕнче Шупашкар çыннисем флайбордистсен пултарулăхĕпе киленме пултарĕç.
Флайбордистсен «Летающие люди» шоу-ушкăнĕн трюкĕ- сене курса киленме интереслĕ пулĕ.
Шыв тата пиротехника асамлăхĕ, шыв çинчи акробатсем — çапларах пулĕ программа. Пилотсем 15 метра çĕкленсе илсе шыв авăрне путĕç. Вĕсен хусканăвне çутă вылявĕ илемлетĕ, пуянлатĕ, асамлатĕ. Программăна икĕ пая уйăрĕç: кăнтăрлахине тата каçхине. Куракансене шоу-ушкăн çурла уйăхĕн 24-мĕшĕнче кăнтăрла 10 сехет те 30 минутра савăнтарĕ, каçхине — 20 сехетре. Шоу-программа Шупашкарăн Атăл кÿлмекĕнче, Юрă уйĕ патĕнче, иртĕ.
Çавăн пекех хăнасем шăматкун «Çăлтăрпа — зарядкăна» хутшăнма, «Шупашкар — ĕç мухтавĕн хули», «Хăнасене тарават Чăваш Ен» фестивальсене, Турецкий хорĕн концертне, уяв фейерверкне курса киленме пултараççĕ. Кăнтăрла 12 сехетре вара пурте «Стрижи» пилот ушкăнĕ йĕркелекен авиа-шоуна пăхса киленĕç.