Понедельник, 24 июня

Тарифсем улшăнаççĕ

Тарифсем улшăнаççĕ

ЧР Министрсен Кабинечĕн 2018 çулхи декабрĕн 12-мĕшĕнче йышăннă 512 №-лĕ постановленийĕпе килĕшÿллĕн халăх усă куракан çут çанталăк газĕн хакне çĕнĕрен пăхса тухнă. Çакă çитес çулхи январĕн 1-мĕшĕнчен хушăннă хаклăх налукĕ улшăннипе çыхăннă. Çитес çул вăл 20 процентпа танлашать.
Çапла вара январĕн 1-мĕшĕнчен газ хакĕ 1 кубла метршăн 5,62 тенкĕ пулĕ. Çакă унчченхинчен 9 пус нумайрах. Çапла газ плитипе усă курса апат пĕçернĕшĕн /пĕрлехи ăшăту тата пĕрлехи вĕри шыв тытăмĕпе усă куракансен/ газ счетчикĕ çук пулсан кашни çыншăн уйăхра 67,44 пус тÿлемелле пулать. Ку вăл хальхинчен 1 тенкĕ те 8 пус нумайрах.
Январĕн 1-мĕшĕнчен ытти коммуналлă пулăшусен хакĕсем те улшăнаççĕ. Çапла вара электричество энергийĕшĕн хулара пурăнакансен 1 кВт сехетшĕн — 3,30 тенкĕ, ялта пурăнакансен 2,31 тенкĕ тÿлемелле пулать.
Вĕри тата сивĕ шывпа, ăшăпа тивĕçтернĕшĕн тарифа çак пулăшусемпе тивĕçтерекен организаци палăртать. Январь уйăхĕнчен тарифсем улшăнни хушăннă хаклăх налукне тÿлекен организацисен коммуналлă пулăшăвĕсемпе усă куракансене пырса тивет. Çавăн пекех хытă каяшсене тирпейлессипе çыхăннă тариф та улшăнать.
Тĕплĕнрех çĕнĕлĕхсемпе ЧР Конкурентлă политика тата тарифсем енĕпе ĕçлекен патшалăх службин сайтĕнче пĕлме пулать.

 

Добавить комментарий

Ваш адрес email не будет опубликован. Обязательные поля помечены *