Четверг, 22 февраля

Ашшĕ-амăшсен пухăвĕ иртет

Ашшĕ-амăшсен пухăвĕ иртет

Августăн 9-мĕшĕнче РФ çутĕç министрĕ Ольга Васильева Мускаври пĕр шкулта шкул ачисен ашшĕ-амăшĕпе тĕлпулу ирттерет. Калаçу видеоконференци мелĕпе иртет. Унта çĕршывăн тĕрлĕ регионĕсенче пурăнакансем хутшăнма пултараççĕ. Хальхинче видеоçыхăну урлă 8 хулана калаçтарĕç. Онлайн-трансляци Пĕтĕм Раççейри ашшĕ-амăшĕн пухăвне пурне те пăхма май парать.
Халĕ кашниех хăйне пăшăрхантаракан ыйтăва http://edu.gov.ru/opc-view сайтра е Çутĕç министерствин социаллă сетьсенчи страницисенче вырнаçтарма пултарать. Вĕсенчен чи çивĕччисене пухура сÿтсе явĕç.
Пĕтĕм Раççейри ашшĕ-амăшĕн пухăвне кашни çулах вĕренÿ çулĕ пуçланас умĕн йĕркелеççĕ. Вăл шкул ачисен ашшĕ-амăшне мĕн пăшăрхантарнине, вĕсем вĕрентÿри çĕнĕлĕхсем çинчен мĕн шутланине пĕлме май парать. Пĕлтĕр ашшĕ-амăшĕсем 3000 ытла ыйту панă. Вĕсенчен нумайăшĕ шкул программине кĕртнĕ çĕнĕлĕхсемпе, ют чĕлхесене вĕрентессипе, экзаменсем парассипе, кĕнекесен пахалăхĕпе çыхăннă пулнă.

 

Добавить комментарий

Ваш адрес email не будет опубликован. Обязательные поля помечены *