Сентябрӗн 21-мӗшӗнче Республикӑри суйлав комиссийӗн 150-мӗш канашлӑвӗ иртнӗ. Унта Раҫҫей Федерацийӗн Патшалӑх Думин тӑххӑрмӗш созывӗн тата Чӑваш Республикин Патшалӑх Канашӗн сакккӑрмӗш созывӗн суйлавне пӗтӗмлетнӗ.
Чӑваш Республикинче суйлавҫӑсен 60,89 проценчӗ — 551166 ҫын суйлава хутшӑннӑ, электронлӑ майпа ҫынсен 17,77 проценчӗ сасӑланӑ.
Канашри пӗр мандатлӑ 42№-лӗ суйлав округӗнче Раҫҫей Федерацийӗн Патшалӑх Думин тӑххӑрмӗш созывӗн депутачӗ пулма Анатолий Аксакова 125203 ҫын суйланӑ. Шупашкар пӗр мандатлӑ 43№-лӗ суйлав округӗнче Алла Салаева депутатшӑн 137113 суйлавҫӑ сасӑланӑ. Федераци суйлав округӗпе республикӑра партисемшӗн ҫапларах сасӑланӑ: «Единая Россия» парти — 50,18 процент (276 199 сасӑ), КПРФ — 18,17 процент (100 019 сасӑ), «Новые люди» парти — 9,01 процент (49577 сасӑ), ЛДПР — 8,21 процент (45166 сасӑ), «Справедливая Россия» парти — 6,10 процент (33578 сасӑ). Пенсионерсен партийӗ — 3,64 процент (20046 сасӑ), «Зеленые» парти — 1,06 процент (5819 сасӑ), «Коммунисты России» парти — 0,95 процент (5216 сасӑ), «Родина» парти — 0,63 процент (3489 сасӑ), «Партия прямой демократии» парти — 0,29 процент (1591 сасӑ).