Чӑваш Республикин Пуҫлӑхӗн пуҫарӑвӗпе старт илнӗ «Сывлӑх патне — утӑм» проекта Чӑваш Енре пурӑнакансем хавхаланса йышӑнчӗҫ. Ҫӗнӗ проект пурнӑҫа кӗнӗ тапхӑрта республикипе 70 пине яхӑн ҫын хӑйӗн сывлӑхне ниҫта каймасӑрах, юнашарах тӗрӗслеттерме, тухтӑрсемпе куҫа-куҫӑн курса калаҫма пултарчӗ.
«Сывлӑх пункчӗсем» Комсомольски муниципалитет округӗнче те тухӑҫлӑ ӗҫлерӗҫ. Сывлӑх хуралӗн ӗҫченӗсемпе волонтерсем кашни территори пайне ҫитсе ҫынсене хӑйсен ыйтӑвӗпе йышӑнчӗҫ, кирлӗ сӗнӳсем пачӗҫ.