Чӑваш Республикин Пуҫлӑхӗ Олег Николаев мартӑн 12-мӗшӗнче регионти журналистсемпе пресс-конференци ирттерет.
Унта калаҫу 2023 ҫулхи ӗҫсене пӗтӗмлетнипе пӗрлех малашнехи тӗллевсем пирки те пулӗ. Ҫавӑн пекех Раҫҫей Президенчӗ Владимир Путин Федераци Советне янӑ Ҫырура палӑртнӑ йышӑнусене республикӑра пурнӑҫлас ҫул-йӗре те пӑхса тухӗҫ. Пресс-конференцие телевиденипе тата социаллӑ сетьсенче кӑтартӗҫ. Унта массӑллӑ информаци хатӗрӗсен редакцийӗсене килнӗ халӑха интереслентерекен ыйтусем те янрӗҫ.