Суйлав участокӗсене паллӑ ентешсен ятне парасси йӑлана кӗрсе пырать.
ЧР Пуҫлӑхӗ Олег Николаев сӗннипе Улатӑрти суйлав участокне — Александр Старчков, Сӗнтӗрвӑрри тӑрӑхӗнчи суйлав участокне — Андриян Николаев, Шупашкар округӗнчи суйлав участокне — Дмитрий Семенов, Елчӗк тӑрӑхӗнчи суйлав участокне — Николай Петров, Шупашкарти суйлав участокне Василий Чапаев ятне панӑ.
Аса илтеретпӗр: Раҫҫей Президенчӗн суйлавӗ мартӑн 15—17-мӗшӗсенче иртӗ. Килтен тухмасӑрах сасӑлама та пулать. Электрон майпа сасӑлас тесен заявление Патшалӑх пулӑшӑвӗсен порталӗнче мартӑн 11-мӗшӗччен памалла. Ыйтусем сиксе тухсан «хӗрӳ линине» 122 номерпе шӑнкӑравлама пултаратӑр.