Иртнӗ кунсенче муниципаллӑ округ администрацийӗн ларусем ирттермелли залӗнче муниципаллӑ службӑн вакантлӑ должноҫӗсене валли кандидатсене суйласа илес енӗпе конкурс иртнӗ. Вӑл калаҫу мелӗпе пулнӑ. Муниципаллӑ службӑра ӗҫлес кӑмӑллисем хӑйсен тӗллевӗсемпе паллаштарнӑ.
Комисси членӗсем пӗр саслӑ пулса конкурсра ҫак кандидатсене ҫирӗплетни ҫинчен пӗлтернӗ: округ администрацийӗн пуҫлӑхӗн ҫамрӑксемпе ӗҫлекен советникӗ — Ольга Петровна Григорьева; организаципе контроль тата кадр ӗҫӗсен пайӗн начальникӗ, администраци ӗҫӗсен управляющийӗ — Мария Алексеевна Илларионова; организаципе контроль тата кадр ӗҫӗсен пайӗн сектор заведующийӗ — Анжелика Анатольевна Куданова; организаципе контроль тата кадр ӗҫӗсен пайӗн кадрсен секторӗн тӗп специалист-эксперчӗ — Любовь Михайловна Пушкина; экономика, пурлӑх тата ҫӗр хутшӑнӑвӗсен пайӗн тӗп специалисчӗ — Оксана Петровна Козина; архив ӗҫӗсен секторӗн заведующийӗ — Валентина Николаевна Шингалова; тирпей-илем кӗртес тата территорисене аталантарас управленин Хирти Сӗнтӗр территори уйрӑмӗн начальникӗ — Валентина Алексеевна Салмина.
Пурне те ӗҫре ӑнӑҫусем сунатпӑр.
(ХАМӐР ИНФ.).