Александр Осипов,
глава Комсомольского муниципального округа,
— В Послании к Государственному Совету и народу Чувашии Олег Николаев отразил основные векторы движения региона в системе здравоохранения, социальной сфере, отрасли сельского хозяйства, поддержке малого и среднего бизнеса, образовании, строительстве транспортной инфраструктуры и ЖКХ.
Одним из приоритетных направлений развития республики является молодежная политика.
«Главная цель Года счастливого детства — создание системы комплексного сопровождения каждого ребенка в соответствии с индивидуальной траекторией его развития… Наша совместная работа направлена на создание благоприятных условий для их самореализации, чтобы они стали гражданами, знающими свою историю, чтящими традиции своих предков, были патриотами, способными противостоять любым вызовам», — отметил Олег Алексеевич.
Согласен с этим, мы должны действовать слаженно, вместе во благо нашего будущего — детей и молодежи Чувашии!
Также в Послании было уделено особое внимание реализации целевых программ поддержки аграриев. Она охватывает более 70 направлений субсидирования как крупных аграриев и пищевых предприятий, так и фермеров с самозанятыми, ведущими личное подсобное хозяйство. Озвученное Главой республики решение о сохранении мер поддержки и более того их расширении действительно придаст импульс отрасли.
Считаю, что путь развития задан максимально четко, все поручения, озвученные в Послании Главы Чувашской Республики, мы обязаны выполнить общими командными усилиями.
Мария Илларионова,
Комсомольски территориллӗ уйрӑм начальникӗ:
— Чӑваш Ен Пуҫлӑхӗ Олег Николаев Чӑваш Республикин Патшалӑх Канашне тухнӑ Ҫырӑвӗнче паянхи куншӑн ҫивӗч те пӗлтерӗшлӗ ыйтусене хускатрӗ. Вӑл вырӑнти хӑй тытӑмлӑх органӗсен ӗҫне ҫутатса пачӗ, республикӑн социаллӑ пурнӑҫӗпе экономика аталанӑвне пысӑк тимлӗх уйӑрчӗ, 2023 ҫулта пурнӑҫа кӗртме йышӑннӑ плансемпе паллаштарчӗ. Олег Николаев палӑртнӑ ӗҫсен тӗп пахалӑхӗ — вӗсем халӑхӑн пурнӑҫ шайне ӳстерес, ялта та, хулара та аталанма лайӑх мелсем туса парас тӗллевлӗ пулни.
Комсомольски муниципалитет округне аталантарас енӗпе те сахал мар ӗҫ пурнӑҫламалла. Ку енӗпе нумаях пулмасть ҫеҫ округри депутатсен пухӑвӗнче муниципалитет аталанӑвӗн тӗп планне ҫирӗплетрӗҫ. Унпа килӗшӳллӗн эпир Комсомольскинчи вӑрман хӗррине татах та тирпей-илем кӗртме, ҫӗнетме палӑртатпӑр. Вӑл туристсене, район, республика ҫыннисене канма, вӑхӑта усӑллӑ ирттермелли чи илемлӗ вырӑн пулса тӑтӑр.
Ял ҫыннисен пурнӑҫ условийӗсене лайӑхлатас тӗлӗшпе чи малтанах эпир шыв ыйтӑвне татса парасшӑн. Ҫавна май пӗлтӗр резерври скважина тума вӑй ҫитернӗ. Кӑҫал тата 1 км шыв пӑрӑхӗсем хурасшӑн. Комсомольскинче тума палӑртнӑ ӗҫ планӗсем пысӑк: И.Кабалин микрорайонӗнчи ача-пӑча площадкисене хӑтлӑлатасшӑн, ачасене выляма ҫӗнӗ йышши оборудовани вырнаҫтарасшӑн, масарсене илсе ҫитерекен ҫулсене юсаса ҫӗнетесшӗн тата ытти те.
,ҫсене халӑхӑн шухӑш-кӑмӑлне шута илсе пурнӑҫлатпӑр. Пурте пӗрле килӗштерсе вӑй хурсан палӑртнӑ ӗҫсене вӑхӑтра пурнӑҫлама пулатех.
Инна Ядрова,
районти тӗп библиотека директорӗ:
— Чӑваш Республикин Пуҫлӑхӗ Олег Николаев Патшалӑх Канашне янӑ Ҫырура иртнӗ ҫул культурӑна аталантарасси, паллӑ ҫынсене халалласа ирттернӗ мероприятисем ҫинче чарӑнса тӑчӗ. Тӗп библиотекӑра тата ялсенчи вулавӑшсенче те ҫулталӑк пӗр йӗрсӗр иртмерӗ. Библиотекарьсем ятарлӑ стендсем хатӗрленӗ, шкулта вӗренекенсене ӗҫпе чапа тухнӑ, республикӑра, Раҫҫейре палӑрнӑ ҫынсем пирки каласа панӑ. Паллӑ ентешсемпе тӗлпулусем йӗркеленӗ, ҫак ӗҫе малалла та тӑсӑпӑр.
Елена Сорокина, Любовь Филиппова библиотекарьсем Чӑваш Енӗн карттине тӗрлеме хутшӑнчӗҫ.
Чӑваш халӑхне ҫутта кӑларнӑ Иван Яковлев ҫуралнӑранпа 175 ҫул ҫитнине анлӑн паллӑ тӑвасси ҫинчен те каларӗ республика ертӳҫи. Паллах, ҫак темӑпа эпир те тӗрлӗ мероприяти йӗркелеме палӑртатпӑр. Патриархӑмӑрӑн «Чӑваш халӑхне» халалне асра тытса пӗрлехи вӑйпа тӑван чӗлхепе культурӑна аталантарасси, йӑла-йӗркене упраса хӑварасси — пирӗн тӗллев.
Кӑҫал Раҫҫейре — Вӗрентекен тата наставник, Чӑваш Енре — Телейлӗ ачалӑх ҫулталӑкӗ тесе пӗлтернӗ. Февраль уйӑхӗнче вӗсене тематикӑллӑ мероприятисемпе уҫӑпӑр. Ачасем хамӑрӑн историне лайӑх пӗлсе ҫитӗнччӗр, ӗмӗрхи йӑла-йӗркене хисеплеччӗр, Тӑван ҫӗршывӑн чӑн патриочӗсем пулччӑр, кирек мӗнле лару-тӑрура та ҫынлӑха упраччӑр тесен пирӗн, аслисен, вӗсене тӗслӗх кӑтартмалла, пӗчӗкрен хӑнӑхтарса пымалла.
Ильдус Минетуллин,
ял хуҫалӑх отраслӗн ветеранӗ:
— Мана, ял хуҫалӑхӗнче нумай ҫул тӑрӑшнӑ ҫынна, Чӑваш Республикин Пуҫлӑхӗн Ҫырӑвӗнче чи малтанах агропромышленность комплексӗпе ҫыхӑннӑ ыйтусем пирки калани интереслентерчӗ. Вӑл Чӑваш Енте вырӑнтах вӑрлӑх туса илессине вӑйлатмалли, выльӑх-чӗрлӗх отрасльне аталантармалли пирки пӗлтерчӗ. Пирӗн тӑрӑхра ҫӗрулми вӑрлӑхӗ туса илес енӗпе «Слава картофелю» агрофирма ӑнӑҫлӑ тӑрӑшать. Апла пулсан, эпир те ку енӗпе ӗҫлеме пултаратпӑр. Выльӑх-чӗрлӗх отраслӗпе илсен, пирӗн район сӗт сӑвассипе унчченхи ҫулсенче республикӑра малтисен ретӗнче пынӑ. Выльӑх-чӗрлӗх фермисене модернизацилес, ӑратлӑха ӳстерес енӗпе кашни ҫулах тӑрӑшмалла. Республика Пуҫлӑхӗ ку отрасле 2025 ҫулччен аталантармалли стратеги хатӗрлеме хушни те ахальтен мар.
Ҫырура республикӑна малалла аталантарас тӗлӗшпе чылай ыйту ҫӗкленӗ, вӗсене пурнӑҫламалли ҫул-йӗрсене уҫса панӑ.