Кăçал тĕнчери оперативлă тата стратегиллĕ чи пысăк пĕрлешĕвĕн — СССР хĕç-пăшаллă вăйĕсен çар чаçĕсене Германи çĕршывĕнчен кăларнăранпа 27çул çитрĕ.
Германири СССР оккупаци çарĕсен ушкăнне Аслă Отечественнăй вăрçă пĕтсен 1945 çулхи июнĕн 9-мĕшĕнче йĕркеленĕ. 1954 çулта çар чаçĕсен ятне улăштарнă. «Германири совет çарĕсен ушкăнĕ» ят панă. ГСÇУ чаçĕсене 1994 çулта Германи пĕрлешĕвĕн территорийĕнчен кăларнă.
Августăн 31-мĕшĕнче тĕрлĕ çулсенче Германире службăра пулнă ветерансем район центрĕн паркĕнчи «Танк-80» палăк умĕнче паллă кун ячĕпе пуçтарăнчĕç. Вĕсем çар службин тапхăрĕнчи самантсене аса илчĕç.
Район администрацийĕн пуçлăхĕ Александр Осипов пухăннисене паллă кунпа саламларĕ, çирĕп сывлăх, тăнăçлăх тата ăнăçу сунчĕ.
С.ЕФИМОВА.