Нумаях пулмасть республикăра Чăваш Ен территорийĕнче çитĕнекен сиенлĕ ÿсен-тăранпа — пултăранпа (борщевик) кĕрешессипе çыхăннă ыйтусене сÿтсе явнă.
Çак ÿсен-тăранпа кĕрешме ятарлă тĕллевлĕ программа хута янă. Ăна пурнăçа кĕртме кăçаллăха республика бюджетĕнче 8,9 миллион тенкĕ пăхса хăварнă. 2022 тата 2023 çулсем валли 6,7-шер миллион тенкĕ уйăрнă. ЧР ял хуçалăх министрĕ Сергей Артамонов палăртнă тăрăх, укçа-тенке районсене ярса панă та. «Кĕске хушăра ятарлă бригадăсем йĕркелемелле, вĕсене кирлĕ хатĕр-хĕтĕрсемпе, хÿтĕлев тумĕпе тата химикатсемпе тивĕçтермелле», — тенĕ министр.