Георгий Перьев, районти «Централизациленĕ клуб системи» МБУК директорĕ:
«Кашни халăхăн пурнăçĕнче культура пысăк вырăн йышăнать. Çавна май РФ Конституцине кĕртме йышăннă улшăнусем хушшинче çак сферăна пырса тивекеннисем те пур. Пирĕн халăх темле йывăр лару-тăрура та ĕмĕрсем хушшинче пĕрчĕн-пĕрчĕн пуçтарăннă культурине сыхласа хăварма пултарнă. Несĕлсем пуянлатса пынă культурăна малалла аталантарассинче РФ Конституцине кĕртнĕ улшăнусем пире палăрмаллах пулăшĕç. Патшалăх шайĕнче çак сферăна пулăшу кÿрессине çĕршывăн Тĕп саккунне кĕртсе хăварни, паллах, питĕ пĕлтерĕшлĕ. Çакă культура аталанăвне çĕнĕ шая хăпартасса шанатăп».