Юрăхсăр тавар сутнă

Юрăхсăр тавар сутнă

Район прокуратури «Березка» магазинăн ĕçĕ-хĕлне йĕркеленĕ чухне В.И.Волков индивидуаллă предприниматель апат-çимĕçĕн пахалăхĕпе тата хăрушсăрлăхĕпе çыхăннă саккунсене мĕнле пăхăннине тĕрĕсленĕ.
Палăртнă магазинăн сентрисене тĕрĕсленĕ хыççăн кунта саккун йĕркисене пăсса аш-какай продукцине сутнине тупса палăртнă: хăш-пĕр таварăн усă курма юрăхлă срокĕ тухнă, теприсем вара пăсăлма пуçланă. Унсăр пуçне хăш-пĕр апат-çимĕçпе чĕр таварăн таварпа пĕрле пулмалли докуменчĕсем çуккине тупса палăртнă.
Тĕрĕслевĕн пĕтĕмлетĕвĕсем тăрăх, В.И.Волков индивидуаллă предприниматель РФ Административлă йĕркене пăснисем çинчен калакан кодексăн 14.43 статйин 2 пайĕпе килĕшÿллĕн административлă йĕркене пăсни çинчен ĕç пуçарнă. ЧР Арбитраж сучĕн постановленийĕ тăрăх, индивидуаллă предпринимателе 30 пин тенкĕ штраф тÿлеттерме йышăннă.

 

Добавить комментарий

Ваш адрес email не будет опубликован. Обязательные поля помечены *