Пятница, 27 января

Пĕр пуссăр хăвараççĕ

Пĕр пуссăр хăвараççĕ

Юлашки вăхăтра усал шухăшлă çынсем банк сотрудникĕсем тесе улталанă тĕслĕхсем час-часах тĕл пулаççĕ. Асăрхаттаратпăр, счет çинчен укçа-тенкĕ куçарма картта реквизичĕсене, парольсене ыйтсан никама та каламалла мар.
Граждансем банк представителĕсемпе калаçатпăр тесе шăнкăравлакана кашни кăтартăва пĕлтереççĕ, çавна май ултавçăсене хăйсен счечĕ çине кĕме майсем туса параççĕ. Унтан вара пĕр пуссăр тăрса юлаççĕ.
Çавăн пекех «ВКонтакте», «Одноклассники» тата ытти социаллă сетьсенче суя аккаунтсемпе /пĕр кунлăх аккаунтсем/ усă курса улталанă тĕслĕхсем йышланнă. Ултавçăсем, маларах пичетленнĕ пĕлтерÿсем тăрăх, унта çырса е шăнкăравласа тавар /пурăнмалли çурт-йĕр тата ытти/ туянас кăмăллине пĕлтереççĕ те укçа-тенкĕ куçарма банк карттин номерне, СМС пĕлтерÿре парольне ыйтаççĕ те хуçан банк карттинчи укçана сăптăрса илеççĕ.
Çакăн евĕр телефон шăнкăравĕсем пулсан ан улталанăр, тимлĕхе ан çухатăр. Счет çинчи укçа-тенке пĕлес, тĕрлĕ операцисем тăвас тесен кредит учрежденийĕсене çитмелле. Асра тытăр, банкăн чăн-чăн сотрудникĕсем сирĕнтен пароль те, банк реквизичĕсене те ыйтмаççĕ.
Р.ЗАЙНУЛЛИН.

 

Добавить комментарий

Ваш адрес email не будет опубликован. Обязательные поля помечены *