Лару вăхăтĕнче çĕнĕ кĕнекене кĕртмелли тата унран кăлармалли, уйрăм тимлĕх уйăрса тĕрĕслесе тăмалли ÿсентăрансен, кăмпасен тата мăксен списокĕн проекчĕпе паллашса ăна сÿтсе явнă. Çавăн пекех юлашки 50 çулта республика территорийĕнче тĕл пулма пăрахнă ÿсентăрансем, кăмпасем тата мăксем çинчен калаçнă.
Çĕнĕ Хĕрлĕ кĕнекене хатĕрлесси малалла пырать. Халĕ унăн электрон версийĕ валли текстсем тата графика материалĕсем хатĕрлес ĕç вăй илет. Ăна кăçалхи декабрь уйăхĕнче вĕçлеме планланă.