Çĕр-аннене юратса

Çĕр-аннене юратса

Çĕр çинчи мĕн пур пуянлăха,

Пурăнмашкăн панă ырлăха,

Хапсăнса çак янтă пурлăха

Çын тухать-мĕн вăрă-хураха.

Шывĕ хăпарать, вăрман çунать…

Ял-хула, уй-хир вараланать

Тĕтĕм-сĕрĕмпе, наркăмăшпа.

Ÿлĕм кам сывлать ку сывлăшпа;

Кайăк-кĕшĕк те тискер чĕр чун

Сайралсах пыраççĕ кунран-кун,

Шыв та пулĕ юрăхсăр ĕçме,

Пулă юлмĕ шывсенче ишме…

Чунсăр-и эпир; Чун ыратать!

Куçсăр мар-тăр;  Куç йăлтах курать!

Çĕр-аннемĕр пулăшу ыйтать,

Çынра çынлăх çĕнессе шанать!

Çын тимлетĕр пурнăç йĕркине,

Çутçанталăка упрассине

Вăл шутлатăр тивĕç вырăнне,

Туйтăр Çĕр çинче хăй парăмне.

П.РОДИОНОВ.

Добавить комментарий

Ваш адрес email не будет опубликован. Обязательные поля помечены *