Четверг, 9 февраля

Чи илемлĕ вырăнсене палăртнă

Чи илемлĕ вырăнсене палăртнă

Ял урамĕсенче тирпейлĕхпе илем хуçаланни, паллах, кашнинех савăнтарать. Тирпейлĕ вырăнта утса иртме те аван, илем тÿрех куç тĕлне пулать, кăмăла хăпартлантарать. Районти ялсенче çулсерен тирпей-илем енĕпе смотр-конкурс иртет. Унта ял поселенийĕсем, организацисемпе предприятисем, уйрăм çынсем хастаррăн хутшăнаççĕ. Кăçал та смотр-конкурса хутшăнакансем чылайăн пулчĕç.

Нумаях пулмасть ĕçлĕ комисси пĕтĕмлетÿсем туса çĕнтерÿçĕсене палăртнă. «Социаллă сфера учрежденийĕн территорине ешĕллетесси тата тирпей-илем кĕртесси» номинацире Комсомольски 1-мĕш вăтам шкулĕ 1-мĕш вырăна тухнă. «Комсомольски районĕнчи чечек клумбисемпе кану вырăнĕсене йĕркелесси» номинацире Тукай ялĕнчи Михаил Архангел храмĕн территорине чи лайăххи тесе йышăннă. «Харпăр хăй секторĕнчи урамсене ешĕллетесси тата тирпей-илем кĕртесси» номинацире Чĕчкен ял тăрăхĕнчи уйрăм çуртсен секторĕ мала тухнă. «Уйрăм çынсем пурăнакан çуртсен таврашĕнчи çĕр участокĕсене ешĕллетесси тата тирпей-илем кĕртесси» номинацире Чĕчкен ял тăрăхĕнчи Полевая урамĕнчи 254-мĕш çурт çумĕнчи участок çĕнтерÿçĕ пулса тăнă.  

Смотр-конкурсра мала тухнисене чĕререн саламлатпăр. Пирĕн районта тавралăха тирпей-илем кĕртме ÿркенмен çынсем йышлăн пулни чăннипех те савăнтарать.

Добавить комментарий

Ваш адрес email не будет опубликован. Обязательные поля помечены *