Кĕр çывхарнă май хуçалăхра çитĕннĕ пахча çимĕçе пухса тирпейлемелле. Тухăçĕ аван ĕлкĕрнĕ пулсан çимĕçе сутни те паха. Республикăра çулсерен «Кĕр парни» ярмăркка йĕркелени те — унăн тĕп тĕллевĕ.
Августăн 19 — октябрĕн 14-мĕшĕсенче Çĕнĕ Шупашкарти суту-илÿ лапамĕсенче, августăн 25 — октябрĕн 14-мĕшĕсенче Шупашкар, Улатăр, Канаш, Çĕмĕрле хулисенче пахча çимĕçпе улма-çырла сутмалли ятарлă вырăнсем ĕçлĕç.
«Кĕр парни-2018» харпăр хăй пахчинче туса илнĕ çĕнĕ тухăçа сутма май парать. Ярмăркка вăхăтĕнче ятарлă площадкăсенчи суту-илÿ вырăнĕсемпе тÿлевсĕр тивĕçтерĕç.