Июлӗн 27-мӗшӗнче республикӑра Суйлав комиссийӗсен кунне паллӑ тунӑ. Пирӗн округра та ҫак уява тимлӗхсӗр хӑварман, суйлав комиссийӗсене кӗрекенсене пуҫтарса професси уявӗпе саламланӑ.
Округ пуҫлӑхӗ Николай Раськин ҫак ҫынсем пысӑк яваплӑхпа, тӑрӑшулӑхпа хӑйсен тивӗҫӗсене пурнӑҫланӑ май округ территорийӗнче суйлав пӗр чӑрмавсӑр, йӗркепе килӗшӳллӗн иртнине палӑртнӑ. Вӑл чи хастар ӗҫченсене Л.В.Афанасьевӑна, Г.В.Григорьевӑна, Г.В. Симаковӑна, О.Н.Челаковӑна, И.И.Яковлевӑна Хисеп грамотисемпе, А.Н.Матросова, В.А.Рыжовӑна, И.А.Смирновӑна, Л.И. Суромовӑна, О.Н.Федоровӑна Тав хучӗсемпе чысланӑ, малашне те яваплӑ ӗҫе ҫӳллӗ шайра пурнӑҫласа пыма суннӑ.