Ҫак кунсенче Сӗнтӗрвӑрринче гастрономи уявӗ — «Вкусы Чувашии» фестиваль иртнӗ. Унта талантлӑ поварсемпе чӑваш апат-ҫимӗҫне юратакансем пуҫтарӑннӑ.
Фестивальте 17 команда тупӑшнӑ. Вӗсем хӑйсем пӗҫерсе килнӗ чӑваш апат-ҫимӗҫӗсене илемлӗн вырнаҫтарса презентаци сӗтелӗсем хатӗрленӗ, дегустаци ирттернӗ. Пӗтӗмлетӳсем тӑрӑх Комсомольски райповӗн «Комбинат питания» ООО (директорӗ М.Н. Федотова) 2-мӗш вырӑна тухма пултарнӑ. Райпо командине (председателӗ С.Н.Грачева) «Вкусы Чувашии» фестивальте ҫӳллӗ шайра палӑрнӑшӑн ӑшшӑн саламлатпӑр!