Округ администрацийӗн ларусем ирттермелли залӗнче санитари тата эпидимиологие хирӗҫле комиссин черетлӗ ларӑвӗ иртнӗ.
Ун ӗҫне территорисене аталантарас тата тирпей-илем кӗртес управленин начальникӗ А.Г.Кузьмин, Роспотребнадзорӑн Чӑваш Енпе ӗҫлекен Патӑрьелӗнчи территори уйрӑмӗн начальникӗ С.Е.Петрянкина, Комсомольски больницин тӗп врачӗ И.И.Ефремова, «Мой дом» ООО директорӗ О.Г.Абросимов, комисси членӗсем хутшӑннӑ. Вӗсем сезонти чир-чӗрсене хирӗҫ кӗрешес енӗпе 2026_2027 ҫулсенче пурнӑҫламалли ӗҫсене палӑртнӑ, ҫак енӗпе мӗнле утӑмсем тунине тишкерсе тухнӑ.
Ларура ҫавӑн пекех Раҫҫей Федерацийӗн «О водоснабжении и водоотведении» саккунӗ муниципалитетра мӗнле ӗҫлесе пынине пӑхса тухнӑ. Халӑха ӗҫмелли пахалӑхлӑ шывпа тивӗҫтерессине лайӑхлатас ыйтусем ҫинче чарӑнса тӑнӑ.