Спортсменсем тытӑҫусенче хӑйсен ӑсталӑхӗпе вӑйне туллин кӑтартма тӑрӑшнӑ. Кашниех ҫӗнтерӳ патне ӑнтӑлнӑ. Чи пултаруллисем ҫӗнтерӳҫӗсем пулса тӑнӑ. Хӑйсен виҫе категорийӗсенче Степан Хораськин (Комсомольски 1-мӗш вӑтам шкулӗ), Кирилл Андреев, Александр Демьянов (Асанкасси вӑтам шкулӗ), Расиль Ялаков (Комсомольски 1-мӗш вӑтам шкулӗ), Дмитрий Михайлов (Аслӑ Чурачӑк вӑтам шкулӗ), Расул Хасиянов (Комсомольски 1-мӗш вӑтам шкулӗ), Рамир Хуснетдинов (Комсомольски 2-мӗш вӑтам шкулӗ), Илья Шакмаков (Комсомольски 1-мӗш вӑтам шкулӗ), Никита Захаров (Асанкасси вӑтам шкулӗ), Булат Галимзянов (Комсомольски 2-мӗш вӑтам шкулӗ) пӗрремӗш вырӑн йышӑннӑ.
Александр Волков (Комсомольски 1-мӗш вӑтам шкулӗ), Денис Языков (Асанкасси вӑтам шкулӗ), Илсаф Гайнуллин (Урмаел вӑтам шкулӗ), Сергей Козлов (Асанкасси вӑтам шкулӗ), Юныс Гибатдинов (Тукай Мишер вӑтам шкулӗ), Александр Мадюков (Комсомольски 2-мӗш вӑтам шкулӗ), Георгий Катмаков (Асанкасси вӑтам шкулӗ), Евгений Андреев, Андрей Калашников (Асанкасси вӑтам шкулӗ), Иван Шорников (Аслӑ Чурачӑк вӑтам шкулӗ) иккӗмӗш вырӑна тухнӑ.
Виҫҫӗмӗш вырӑн хуҫисем — Реналь Ялаковпа (Комсомольски 1-мӗш вӑтам шкулӗ) Роман Чернов (Комсомольски 2-мӗш вӑтам шкулӗ), Артемий Трофимовпа (Комсомольски 1-мӗш вӑтам шкулӗ) Николай Клементьев (Аслӑ Чурачӑк вӑтам шкулӗ), Артем Степанов (Комсомольски 1-мӗш вӑтам шкулӗ), Амиль Хаертдиновпа (Урмаел вӑтам шкулӗ) Ильмир Фасхутдинов (Чӗчкен тӗп шкулӗ), Иван Беловпа (Асанкасси вӑтам шкулӗ) Степан Степанов (Комсомольски 2-мӗш вӑтам шкулӗ), Ринас Зейнетдиновпа (Чӗчкен тӗп шкулӗ) Семен Исаев (Комсомольски 1-мӗш вӑтам шкулӗ), Александр Албутовпа Павел Смирнов (иккӗшӗ те Хирти Мӑнтӑр вӑтам шкулӗнчен), Ярослав Кокоревпа (Комсомольски 2-мӗш вӑтам шкулӗ) Сергей Лукиянов (Аслӑ Чурачӑк вӑтам шкулӗ), Ислам Гайнулловпа (Чӗчкен тӗп шкулӗ) Ислам Гимальдинов (Тукай Мишер вӑтам шкулӗ), Максим Козловпа Вениамин Албутов (иккӗшӗ те Комсомольски 1-мӗш вӑтам шкулӗнчен).
Командӑсем хушшинче Асанкасси вӑтам шкулӗн кӗрешӳҫисем ҫӗнтерӳҫӗ пулса тӑнӑ, куҫса ҫӳрекен кубока ҫӗнсе илнӗ. Иккӗмӗш вырӑна Комсомольски 1-мӗш вӑтам шкулӗн команди йышӑннӑ. Комсомольски 2-мӗш вӑтам шкул команди виҫҫӗмӗш пулнӑ.
Ҫӗнтерӳҫӗсене грамотӑсемпе, медальсемпе наградӑланӑ.
Ирӗклӗ майпа кӗрешес спорт енне округра анлӑн аталаннӑ спортсменсем вырӑнти ӑмӑртусенче ҫеҫ мар, республика тата унӑн тулашӗнчи тупӑшусенче те ҫитӗнӳсем тӑваҫҫӗ. Апла пулсан Петр Георгиевич ӗҫне малалла тӑсакансем пур. «Кӗтне» физкультурӑпа спорт комплексӗнче, округри шкулсенче ирӗклӗ майпа кӗрешекенсен секцийӗсем ӗҫлеҫҫӗ. Вӗренекенсем унта хапӑлласа ҫӳреҫҫӗ.
Валерий Денисов.