Спортпа патриотлӑхӑн оборонӑлла-массӑлла уйӑхлӑхӗнче «Кӗтне» физкультурӑпа спорт комплексӗнче шкул ачисем хушшинче пневматикӑлла винтовкӑран тӗл перес енӗпе ӑмӑрту пулса иртнӗ.
Хӑйсен ӳсӗмӗсенче пӗрремӗш вырӑна Артур Руссаков, Ярослав Кокорев, Раиф Тукаев йышӑннӑ. Вӗсенчен сахалрах очко пуҫтарса Ильсаф Тамаев, Даниил Петров иккӗмӗш вырӑна тухнӑ. Егор Кзыков, Максим Ильдюхин виҫҫӗмӗш пулнӑ.
Хӗрачасенчен чи тӗл перекенсем Ксения Владимирова, Анастасия Николаева пулнӑ. Ульяна Васильева, Сафина Сахрова иккӗмӗш кӑтартупа палӑрнӑ. Анастасия Квасова, Алиса Прокопьева виҫҫӗмӗш вырӑн ҫӗнсе илнӗ.
Вӑтам шкулсем хушшинче 1—3-мӗш вырӑнсене Ҫӗнӗ Мӑрат, Комсомольски 1-мӗш, Комсомольски 2-мӗш шкулӗсем ҫӗнсе илнӗ. Кӗҫӗн ушкӑнра малти виҫӗ вырӑна Хырай Ӗнел, Александровка, Хирти Мӑнтӑр вӑтам шкулӗсенче вӗренекенсем йышӑннӑ.
(Хамӑр инф).