Кӑҫалхи ҫулӑн пӗрремӗш ӗҫ кунӗнче Чӑваш Республикин Цифра аталанӑвӗн, информаци политикин тата массӑллӑ коммуникацисен министрӗ Михаил Степанов ҫыхӑну операторӗсемпе брифинг ирттернӗ. Унта тӗпрен илсен калаҫу мобильлӗ интернета хӑш-пӗр сервиссенче чарни пирки пынӑ.
Министр ку йышӑнӑва федераллӑ шайра тунине, ҫакӑ вӑхӑтлӑх мера пулнине, вӑл ҫынсене тата инфраструктурӑн хӑш-пӗр объекчӗсене хӑрушлӑхран сыхлассипе ҫыхӑннине палӑртнӑ. Мобильлӗ интернет тухӑҫлӑ ӗҫлесе каясси министерствӑран та, ҫыхӑнӑвӑн операторӗсенчен те килменнине пӗлтернӗ. «Шурӑ списока» кӗртнӗ сервиссем килти wi-fi, корпоративлӑ тата обществӑлла сетьсем урлӑ аванах ӗҫлеҫҫӗ.
Интернетпа ҫыхӑнну ыйтусемпе хӗрӳ лини ҫине 8(8352) 56-53-52 телефонпа шӑнкӑравлама пулать.